Li Tebqayê panelek li ser komploya navneteweyî hate lidarxistin

Komîteya Azadiya Rêberî ya Tebqayê bi hevkariya Komîtya Rêbertî ya Bakur û Rojhilatê Sûriyê  û bi diruşma  "Ji Tebqa..ji yê ku biratiya gelan vegerand re azadî.. ji rêberê mirovahiyê re azadî" panelek têkildarî komploya navneteweyî li dar xist.

Panel li navneda çand û hunerê ya Tebqayê bi beşdarbûna nûnerên meclisên leşkerî sivîl, parêzer, dadwer, şêx û rûspiyên ereb ên Reqa û Tebqayê hate lidarxistin.

Piştî deqeya rêzgirtin, sinivîzyoneke li ser komploya navneteweyî ya li dijî rêber Abdullah Ocalan, kesên ku beşdarî wê bûn û bandora wê li Rojhilata Navîn hate pêşanda.

Panel ji aliyê endam û rêveberên Komîteya Rêbertî Adil Hehmûd, Ferzend Munzir, Abdullah El-Kirdî û Cuheyna Miso ve hate birêvebirin.

Di panelê de serokê Partiya Yekitiya Sosyalîst parêzerê misirî Behaedîn mijara yekemîn a panelê ya derbarê destpêkirina komplo, sedemên wê, encam û bandorawê şîrove kirin.

Piştre endamên dîwanê deriyê nîqaşê li pêş berşdaran vekir. beşdaran behsa ramanê rêberî, komplo û tecîrda li dijî wî hatiye ferzkirin kirin. Her wiha banga azadiya wî ya fîzîkî hate kirin.

Mijara duyemîn  ji aliyê Fîras Mistefa, Fatima Ebas, Musena Ebdulkerîm û Ferzende Munzir ve hate şîrovekirin.

Piştre dîmenê ronakbîrê misirî Celal Zenatî yê ku beşdarî Kampanyaya ji Ocalan re azadî bûye, hate pêşandan ku, banga girîngiya azadiya Ocalan dike û dibêje, Ocalan ne tenê rêberê gelê Kurd e, di heman demê de rêberê tevahî gelan e.

Endama Komîteya Rêbertî Fatima Ebas mijara "Neteweya Demokratîk û Rêveberiya Xweser" şîrove kir û beşdaran jî nêrînê xwe anîn ziman.

Panel bi girtina bi dawî bû, ji wan:

-Divê fikir û felsfeya rêber Ocalan bi rêya semîner, panel û komxebatan bi awayekî berfireh di nava hemû beşên civakê de, were belavkirin.

- Bi banga azadiya rêbertî, divê konferans li ser asta Bakur û Rojhilatê Sûriyê û Rojhilata Navîn werin lidarxistin.

-Ji bo teşhîrkirina komployê, têkilî bi rêxistinên navneteweyî û hiqûqî re werin avakirin.

- Li dijî komployê xwepêşandan werin lidarxistin û bi banga azadiya rêbertî kampanyayên komkirina îmzeyan werin destpêkirin.

ANHA