Şêniyên Efrîn û Şehbayê: Dewleta Tirk dixwaze roja me tarî bike

Bi sedan şêniyên herêma Efrînê li pêşiya Dibistana Fafînê kom bûn û wêneyên rêber Abdullah Ocalan, alên Tevgera Ciwanên Şoreşger, Yekitiya Jinên Ciwan û pankertên bi nivîsên “bemire îxanet”, rakirin.

Xwepêşandêr li kolanên sereke yên navçeya Fafînê ya kantona Şehbayê meşiyan û sloganên "Bijî berxwedana gerîla,  bijî rêber Abdullah Ocalan, na ji îxneta hikumeta Başûrê Kurdistanê re”, berz kirin.

Xwepêşandan li qada goristana şehîdan a li Fafînê veguherî mîtîngê. Li wê derê cîgirê hevserokatiya Meclisa Kantona Efrînê Mihemed Ebdo axivî û Komploya Navneteweyî ya li dijî rêber Abdullah Ocalan û berdewamkirina tecrîdê şermezar kir.

Piştre endama rêveberiya Yekitiya Jinên Ciwan a kantona Şehbayê Şêrîn Silêman bi zimanê kurdî daxuyanî xwend û tê de îxaneta hikumeta Başûrê Kurdistanê û peymanên ku bi hikumeta AKP`ê re têkildarî pêkanîna êrişan li dijî Herêmên Parastinê yên Medyayê pêk tîne, şermezar kir.

Di berdewamiya daxuyaniyê de komploya li dijî rêber Abdullah Ocalan a ku di 15`ê Sibata 1999`an de pêk hatiye ku di 15`ê Sibata îsal de dikeve sala 23`emîn, hate şermezarkirin.

Di dawiya daxuyaniyê de îşaret bi girîngiya berdewamkirina têkoşîn û berxwedanê li dijî faşîzma dewleta Tirk hate kirin.

Mîtîng bi sloganên "bê serok jiyan nabe, bijî berxwedana gerîla" bi dawî bû.

(eh)

ANHA

<iframe width="560" height="315" src="https://www.youtube.com/embed/eXwhe8Fpg80" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>