Klara Adîsa: Tecrîd berdewama Komploya Navneteweyî ya li dijî rêber Abdullah Ocalan e

Kongreya Star semîner li hola Navenda Çandê ya navçeya Til Hemîsê ya kantona Qamişloyê li dar xist.

Her sal bi vê boneyê li cîhan, Kurdistan û Bakur û Rojhilatê Sûriyê çalakiyên cuda li dar dikevin û banga serbestberdana rêber Abdullah Ocalan tê kirin.

Bi sedan şêniyên Til Hemîsê, rûspiyên herêmê, nûnerên partiyên siyasî û saziyên jinan û sivîl tev li semînerê bûn.

Di semînerê de endama rêveber a Kongreya Star a navçeya Til Hemîsê Klara Adîsa axivî û Komploya Navneteweyî ya li dijî rêber Abdullah Ocalan şermezar kir. Klara wiha got: “Dewleta Tirk ji ferzkirina tecrîdê armanc dike ku vîna gelê azadîxwaz bişikîne û rê li pêşiya belavbûna fikr û felsefeya rêber Abdullah Ocalan bigire. Tecrîd berdewama komploya navneteweyî ye ku di 15`ê Sibata 1999`an de li dijî rêber Abdullah Ocalan pêk hat.”

Klara piştrast kir ku tecrîda li ser rêber Abdullah Ocalan tecrîda li ser tevahiya gelên Bakur û Rojhilatê Sûriyê ye.

Paşê sînevîzyonek girêdayî têkoşîna rêber Abdullah Ocalan û Komploya Navneteweyî hate pêşandan.

Her wiha têkildarî heman mijarê semînerek li bajarokê Ukaz û yek jî li bajarokê Til Ehmed ên Til Hemîsê hatin lidarxistin.

(şx)

ANHA

<iframe width="560" height="315" src="https://www.youtube.com/embed/pVETa1K5nBg" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>