Eşîra Egêdat: Em tecrîda li dijî rêber Ocalan şermezar dikin

Bertekên şermezarkirina tecrîda li ser rêber Abdullah Ocalan û êrişên dewleta Tirk a dagirker ên li dijî herêmên Bakur û Rojhilatê Sûriyê li Kurdistanê û dervayî wê zêde dibin.

Di heman çarçoveya de, rûspiyê eşîra Egêdat ê li Dêrazorê, Îbrahîm Mistefa Ebû Nadir tecrîda ku zêdetirî 20 salan li ser rêber Abdullah Ocalan e şermezar kir.

Mistefa got ji ber ku rêber Abdullah Ocalan banga azadiyê û yekitiya gelan dike, hate dîlgirtin û tecrîda li dijî wê pêk tê. Li aliyekî din jîMistefa bêdengiya navnetewî, rêxistinên mafên mirovan û dadgehên navnetewî şermezar kir û piştrast kir ku dewletên şerê demokrasî û jiyana hevbeş dikin, li dijî rêber Ocalan komployeke mezin pêk anî.

Mistefa eşkere kir ku Camiyeya Ereb jî berpirsê siyaset û sûcên dewleta Tirk ên li dijî herêmê ye.

Mistefa siyasetên zordar ên Osmaniyan li herêmê bi bîr xist û got: "Dewleta Osmanî bi bihaneya Îslamiyetê 400 sal e li ser dilê dewletên Ereb rûniştiye."

Mistefa diyar kir ku siyasetên dewleta Tirk ên dagirkirina xak, wêrankirina mal û milkên li herêmên Efrîn, Girê Spî, Serêkaniyê û sûcên rojane yên li Eyn Îsayê, koçberkirian zarok û Jinan, temamkirina serdema osmanî ya bi bihaneya îslamiyetê ye.

Rûspiyê eşîra Egêdat êrişên dewleta Tirk ên li dijî herêmên Bakur û Rojhilatê Sûriyê şermezar kirin û wiha gotina xwe bi dawî kir: "Em wek rûspiyên eşîrên Dêrazorê êrişên dewleta Tirk ên li dijî herêmên Bakurê Sûriyê û tevahiya axa Sûriyê şermezar dikin. Li aliyekî din jî li pişta QSD’ê ne û dê tevahî xakên ku dewleta Tirk dagir kirine, rizgar bikin."

)dm)

ANHA

<iframe width="560" height="315" src="https://www.youtube.com/embed/j3YirfrX-OQ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>