Şêniyên herêma Efrînê şehîd Gîvara Efrîn oxir kir

Şehîd Bîlal Hemkawî (Gîvara Efrîn) di 2`yê Çileyê de di qonaxa duyemîn a Berxwedana Serdemê de şehîd bûbû.

Şêniyan cenazeyê şehîd ji Nexweşxaneya Avrîn a li navçeya Fafînê ya kantona Şehbayê girt û ber bi Goristana Şehîdan a li navçeya Ehrezê ve ketin rê.

Li goristanê, bi navê Meclisa Malbatên Şehîdan Hesen Berko axivî û sersaxî ji malbata şehîd re xwest û destnîşan kir ku şehîd Gîvara Efrîn soza xwe anî cih û di rêya parastina ax û rûmeta gelê xwe de şehîd ket.

Bi navê Rêveberiya Xweser a herêma Efrînê Arif Şêxo axivî û siyasetên dûrxistinê yên ku li dijî gelên herêmê têne meşandin, şermezar kirin.

Endama Meclisa Jinan a kantona Şehbayê Şikriye Hesen, Berxwedana Serdemê silav kir û diyar kir ku ev berxwedan, vîn û israra gelê herêmê ji bo rizgarkirina tevahiya bajarên Sûriyê û vegera koçberan, rave dike.

Piştre endama Meclisa Malbatên Şehîdan Zêne Ebdo wesîqeta şehîd xwend û radestî malbatê kir. Dûre şêniyan cenazeyê şehîd Gîvara Efrîn di nava tilîliyan de spart axê.

(şx)

ANHA

<iframe width="560" height="315" src="https://www.youtube.com/embed/lotwVJxlhzA" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>