Şêniyên Dêrikê cenazeyê şehîd Ehmed Erûr oxir kir

Şêniyên navçeya Dêrikê cenazeyê endamê Hêzên Ewlekariya Hundirîn Ehmed Erûr li Goristana Şehîd Xebat Dêrik oxir kir.

NÛÇE

30 kanûn, 2020 12:33

QAMIŞLO

Bi hezaran şêniyên bajarê Dêrikê li nexwexaneya navçeya Dêrikê kom bûn û cenazayê şehîd Ehmed Erûr wergirt. Ehmed Erûr di encama krîza dil de şehîd bûbû.

Piştî ku şêniyan cenaze wergirt, ber bi Goristana Şehîd Xebat Dêrik ve ketin rê.

/ar/uploads/files/2020/12/30/114328_2020-12-30-merasime-s-ehmed-e280ab283892890829e280ac-e280abe280ac.webp

Li goristanê endamê rêveberiya Hêzên Ewlekariya Hundirîn a li navçeya Dêrikê Eymen Îbrahîm axivî û got: “Şoreşa Rojava ji fikr û felsefeya rêberê neteweyî Abdullah Ocalan dest pê kir û bû rêya şoreşgeran, şervanan û azadîxwazan.”

/ar/uploads/files/2020/12/30/114207_2020-12-30-merasime-s-ehmed-e280ab28129e280ac.webp

Hevserokê Meclisa Dêrikê Sahib Osman jî sersaxî ji malbatan şehîdan û gelên Bakur û Rojhilatê Sûriyê re xwest. Osman diyar kir ku şoreşa Rojava ji tevahiya cîhanê re bûye mînaka hevgirtina gelan.

Piştî bidawîbûna axaftinan, wesîqeta şehîd Ehmed Erûr ji hêla Meclisa Malbatên Şehîdan ve radestî malbatê hate kirin. Paşê bi navê malbata şehîd, apê şehîd Samî Erûr axivî û destnîşan kir ku şoreşa Rojava edalet ji tevahiya pêkhateyên herêmên Bakur û Rojhilatê Sûriyê re pêk anî.

/ar/uploads/files/2020/12/30/114349_2020-12-30-merasime-s-ehmed-e280ab283892889729e280ac-e280abe280ac.webp