‘Binçavkirina Leyla Guven ne rewa ye û biryareke dijminahî ya li dijî tevahî gelê Kurd e’

Kongreya Star li kampa Waşûkanî bi daxuyaniyekê biryara der heqê Leyla Guven de şermezar kir. Bi dehan endamên Kongreya Star, Weqfa Jina Azad û hevseroka kampa Waşûkanî Stêra Reşik, beşdarî xwendina daxuyaniyê bûn.

Endama rêveberiya Kongreya Star a kampa Waşûkanî Besîme Dawûd daxuyanî xwend.

Li Dirbêsiyê bi heman armancê Kongreya Star daxuyaniyek da. Endama Kongreya Star li Qada Şehîdan a navçeyê daxuyanî xwend û gelek jinên navçeyê beşdar bûn.

Di daxuyaniyê de wiha hate gotin:

 “Di demekê de ku em banga azadî, edalet û wekheviyê û bidawîkirina tundî û dijminahiyê dikin, dewleta Tirk a dagirker biryara girtinê heta 22 salan li siyasetmedara Kurd Leyla Guven birî. Bi vê biryarê dixwazin vîna jinan bişikînin û rola wan di berxwedan û têkoşîna ji bo azadiyê de qels bikin.

Bi binçavkirina Leyla Guven, niyetên dewleta Tirk a qirkirina siyasetmedarên girêdayî fikrên azad ku li dijî siyasetên AKP`ê tê dikoşin, eşkere bûn. Mînaka herî berbiçav a wê yekê girtina rêber Abdullah Ocalan e.

Biryara der heqê Leyla Guven de ne rewa ye û biryareke dijminahî ye ku tevahî gelê Kurd dike hedef.”

Di daxuyaniyê de bang li civaka navneteweyî û rêxistinên mafên mirovan hate kirin ku destwerdanê bikin û sînorekî ji kiryarên dewleta Tirk re deynin ku xetereyê li ser gelê herêmê çêdike.

(cx)

ANHA

<iframe width="560" height="315" src="https://www.youtube.com/embed/SQYX0Hg9uuM" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

<iframe width="560" height="315" src="https://www.youtube.com/embed/OZlrR7nxf_s" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>