Kehrebe gihaşt ji sedî 70 taxên Reqayê

Duh, komîteyê 7 navendên veguhastina kehrebeyê li nava taxên Reqayê bi dawî kirin ku di vê Kanûnê de li ser kar dikir. Ji wan 3 navend li taxa Teyar in, 2 navend li taxa El-Diriyê ne û 2 li Taxa Kevn in. Her navendek kehrebeyê digihîne ji 200 heta 300 malî.

Endamê rêveber ê Komîteya Enerjî û Peywendiyan endezyar Hamid El-Lewaş girêdayî mijarê wiha got: “Piştî amadekirina van navendan, em dikarin bibêjin ku me kehrebe gihand ji sedî 70 ji taxên Reqayê. Di sala bê de, wê werşeyên teknîkê kehrebeyê bigihînin hemû taxên bajêr.”

El-Lewaş îşaret bi astengiyên wekî xerabbûna torên kehrebeyê û alavên veguhastina kehrebeyê ku ji nişka ve derdikevin, kir û diyar kir ku ji ber wê yekê werşeyên teknîkê ji bo restorekirina xebatên awarte demeke zêde dixwazin.

El-Lewaş her wiha bal kişand ser xebatên komîteyê li gundan û diyar kir ku alavên veguhastinê hatine amadekirin û di vê mehê de torên kehrebeyê li gundên Hiwêce, Zehra, Til Semin û Şinêne ya rojhilat, hatine guhertin.

(cx)

ANHA

<iframe width="560" height="315" src="https://www.youtube.com/embed/5uQ8JLJmD0k" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>