Dagirkeriya Tirk Keleha Nebî Horî ya dîrokî dike mizgeft

Dagirkeriya Tirk Keleha Nebî Horî ya dîrokî ya li navçeya Şera ya bakurê kantona Efrînê ya dagirkirî, vediguherîne mizgeftê.

20 kanûn, 2020 09:12

NAVENDA NÛÇEYAN

Li gorî dîmenên ku ajansa me bi dest xistine, diyar dibe ku dagirkeriya Tirk Keleha Nebî Horî ya dîrokî vediguherîne û li qada wê mizgeftekê ava dike.

Keleha Nebî Horî ku bi “bajarê Koriş an Sîros” jî tê nasîn, 45 km li bakurê rojhilatê bajarê Efrînê ye û girêdayî navçeya Şera ye. Dîroka Keleha Nebî Horî vedigere sala 312`an (B.Z).

Artêşa Tirk a dagirker û çeteyên wê piştî dagirkirina kantona Efrînê, Keleha Nebî Horî dagir kir.

Li gorî raporên Gerînendetiya Şûnwaran a Efrînê, di salên dagirkeriya dewleta Tirk de bi armanca dizîn û talankirina tiştên dîrokî yên hatine dîtin û birina wan ji Tirkiyê re, gelek cihên dîrokî bi awayekî bê ser û ber hatin kolandin.

Di wêneyan de ku ANHA`yê bi dest xistine, xebatên avakirinê û guhertina keleha dîrokî û bilindkirina ala Tirk xuya dikin. Her wiha diyar dibe ku li cihê dîrokî avahiyên din tên lêkirin û nîşaneyên avakirina mizgeftê xuya dikin.

(dm)

ANHA