​​​​​​​Cenazeyê şehîdê YPG'ê Îbis li Helebê hate veşartin

Îro şêniyên taxên Şêxmeqsûd û Eşrefiyê cenazeyê şehîd Ferhad Efrîn ku 16`ê Kanûnê ji ber nexweşiyê şehîd bû, li goristana Şehîdên Berxwedana Taxê Şêxmeqsûd û Eşrefiyê ya li taxa Şiqêf spartin axê.

Şênî, endamên saziyên sivîl û Hêzên Ewlekariya Hundirîn li pêşiya nexweşxaneya Xalid Fecir a li rojavayê taxa Şêxmeqsûdê kom bûn û alên YPG, YPJ, Asayîş, Meclisa Malbatên Şehîdan rakirin. Girseya Gel cenaze ji nexweşxaneyê wergirtin û ber bi goristana Şehîdan ve çûn.

Li goristanê girseya gel deqakê li ser giyanê şehîdan sekinîn, paşê ser navê Meclisa Malbatên Şehîdan, Endama Meclisê Fîdan Hisên axivî û ev yek got:"Em sersaxiyê ji malbata şehîd re dixwazin û soza şopandina rêya şehîdan didin."

Paşê mamosteya zimanê kurdî Zîlan Şêxo nasnameya şehîd xwend û radestî malbatê kir.

Şêniyan cenazeya şehîd Ferhad Efrîn di nava sloganên dilsoziya bi şehîdan de spartin axê.

(eh)

ANHA

<iframe width="560" height="315" src="https://www.youtube.com/embed/zipXB6-b9Mw" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>