Mîhrîcana Amara bi dawî bû

Çalakiyên mîhrîcana Amara di 16’ê vê mehê de dest pê kirin. Mîrhîcan bi diruşma "mûzaîka çandî dewlemend, veguhêr û xweşikbûn e" 3 rojan dewam kir, di roja dawî de xelata hatin belavkirin.

Çalakiyên huner û wêjeyî yên mîhrîcanê li ser dikeya Çiyayê Kurmênc a navenda Tevgera Çand û Hunerê ya navçeya Ehdas a kantona Şehbayê li dar ketin.

Çalakî bi deqeyeke rêzgirtinê dest pê kir. Piştre hevserokê Meclisa kantona Şehbayê Cuma Kalo îşaret bi girîngiya mîhrîcanê kir û diyar kir ku lidarxistina mîna van mîhrîcanan rêbaza yekane ya parastin û pêşxistina mîras û çandê ye.

Endama rêveber a Meclisa Malbatên Şehîdan a kantona Efrînê Rebîa Weqas, spasiya hemû kesên ku di lidarxistina mîhrîcanê de ked dan, kir.

Endama Meclisa Yekitiya Jinan a Azad a kantona Şehbayê Sebah Nasir got, mîhrîcan ji bo geşkirina çand û mîrasê ye û parastina pirrengiya wê ye şanseke.

Pişît axaftinan, Koma Şehîd Xebat û Koma Awazên Şehbayê stranên folklorî yên kurdî pêşkêş kirin, her wiha Koma Şehîd Dilşêr Kefer Nasih a dîlana folklorî dîlanên mîrasa Ereb pêşkêş kirin.

Her wiha Koma Şehîda Axîn Welat a taybet bi jinên ciwan dîlanên folklorî yên kurdî pêşkêş kirin.

Di dawiya çalakiyên , şanoya bi sernavê "Em ê teqez bi ser kevin" hat pêşandan. Mijara şanoyê li ser bandora zewicandina zarokan li civak û malbatê ye.

Çalakiyên mîhrîcana Amara bi xelatkirina komên beşdar, belavkirina plaketên bi neqşa diruşma mîhrîcanê bi dawî bûn.

(fr)

ANHA