Şehîdên Berxwedana Rûmetê li Şehbayê hatin bibîranîn

Tevgera Ciwanên Şoreşger a Sûriyê merasîmê bîranîna şehîdên Berxwedana Rûmetê ya li Serêkaniyê Reşîd Reşîd (Reşîd), Mihemed Ebdulhemîd (Canfeda) û Bawer Ehmed li goristana Şehîdan a navçeya Ehrisê ya Şehbayê li dar xist. Bi dehan ciwan û malbatên şehîdan beşdarî bîranînê bûn.

Merasîm bi deqeyeke rêzgirtin a bîranîna şehîdan dest pê kir. Bi navê malbatên şehîdan axaftin hate kirin, di axaftinan de hate gotin ku şehîdan ji bo azadî û jiyaneke bi rûmet canê xwe feda kirine. Her wiha soza şopandina xeta wan hate nûkirin.

Endamê rêber ê Tevgera Ciwanên Şoreşger a Sûriyê şaxê herêma Efrînê Reşîd Silêman behsa rola her sê şehîdan kir û got: "Hersê şehîdan banga serferberiya giştî bi cih anîn, di dema êrişên dagirkeriyê yên Tirkiyê  de bê teredudu tev li refên parastinê welatê xwe bûn."

Li ser berxwedana gelê Bakur û Rojhilatê Sûriyê, ji Kobanê, heta Efrîn, Serêkaniyê û Girê Spî sînivîzoyonek hate pêşandan.

Di dawiyê de beşdaran mûm li ser gorên şehîdan pêxistin.

ANHA

<iframe width="560" height="315" src="https://www.youtube.com/embed/37zqQTr2sEI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>