Xelkê Heleb li dijî tecrîdê li qadan bûn

Di çarçoveya çalakiyên pêngava 'Bes e ji tecrîd, faşîzm û dagirkeriyê re; dem dema azadiyê ye' ya ku KCK'ê ragihandiye de,  Tevgera Civaka Demokratîk (TEV-DEM) ya Helebê meşek li dar xist. Bi sedan kes beşdarî meşê bûn.

Meş ji pêşiya geraca li beşê rojhilata taxa Şêmeqsûdê dest pê kir û di nava konên sereke yên taxê de dewam kir.

Di meşê de pankartên bi nivîsên "Tu kes nikare roja me tarî bike", "Azadiya rêbertî ji azadiya me ye", " Bes e ji tecrîd, faşîzm û dagirkeriyê re; dem dema azadiyê ye'' hatin hildan.

Meş li qada Şehîd Destîna Rawestiya û bi deqeyeke rêzgirtin mêtîneke dest pê kir. Endama Rêveber a TEV-DEM'ê Leyla Xalid û endamê rêveber ê Yekitiya Parêzeran a Helebê Mihemed Emîn di mîtîngê de  axivî û banga bilindkirina asta têkoşînê li hemberî faşîzmê kirin.

Di axaftinan de hate gotin ku azadiya Rêber Abdullah Ocalan bi azadiya gelên Rojhilata Navîn ve girêdayî ye û çareserî bi pêkanîna ramanê Ocalan ve pêkan e. Her wiha hate destnîşankirin ku tecrîdkirina Rêber Abdullah Ocalan li gorî rêgezên mafên mirovan ên ku NY'yê danîne dighêje asta sûcên şer û bang li aliyên têkildar hate kirin erkên xwe bi cih bînin û di demeke nêzî de rêbertî azad bikin.

ANHA