ꞌEm naxwazin destkeftiyên xwe ji dest bidinꞌ

Hêzên ewlekariyê yên girêdayî QSD`ê û Hêzên Ewlekariya Hundirîn gelek şane û ajan girtin û wan îtîraf kir ku ew bi perspektîfên artêşa Tirk, hêzên hikumeta Sûriyê û çeteyên DAIŞ`ê tev digerin, armanca wan têkbirina ewlehiya herêmê û derxistina fitneyan e.

Endamê Fermandariya QSD`ê ya Meclisa Leşkerî ya Şedadê Cesûr Amûdê got destkeftiyên li herêmê qezenc kirine bi saya hevgirtina pêkhate, sekna bi hev re û bi hêzên leşkerî hatine bidestxistin.

Cesûr Amûdê diyar kir ku divê tevahiya pêkhateyên herêmê hişyar bin û destkeftiyên şoreşê yên ku bi saya bi hezaran şehîdan hatine bidestxistin, biparêzin. Cesûr Amûdê got: "Bê guman berpirsyariya projeyên li dijî herêmê û şêniyên wê dikeve ser milên rûspî, şêx û zanyarên olî, divê li hemberî van êrişan hişyar bin û nekevin bin bandora aliyên dijber."

Cesûr Amûdê bal kişand ser ku ewlehî û aramiya di van salên dawîn de mîsoger bûye bi sedema hişyarbûna gel li tevahî herêman e û wiha pê de çû: "Em naxwazin destkeftiyên xwe ji dest bidin, ji ber ku ewlehiya gel e."

Cesûr Amûdê bang li tevahiya gel, şêx û zanyarên li herêmên Bakur û Rojhilê Sûriyê kir kir ku ji pêgavên ku dewletên dijber ên wekî dewleta Tirk û hêzên hikumeta Sûriyê, komplo û planên hewldana derxistina fitneyê di navbera gelê herêmê û hêzên leşkerî de dikin, hişyar bin.

Di dawiyê de Cesûr Amûdê hêviya mîsogeriya aramî û ewlehiya ji tevahiya Sûriyê û herêmên Bakur û Rojhilatê Sûriyê re xwest.

(eh)

ANHA

<iframe width="560" height="315" src="https://www.youtube.com/embed/ECABcPgaooY" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>