Ciwanên Kurd ên li Danîmark û Siwêd alîkarî pêşkêşî xelkê Hesekê kirin

Ji bo bidawîkirina aloziya avê li bajarê Hesekê û dîtina çareyên alternatîf ji bo bidawîkirina şantajên Tirkiyê û çeteyên wê ku piştî dagirkirina bajarên Serêkaniyê û Girê Spî stasyona Elokê kontrol kir, însyatîfên civakî dewam dikin.

Ji destpêka ku artêşa Tirk a dagirker û çeteyên wê bajarê Serêkaniyê dagirkirine, ev cara 8`emîn e ku ava stasyona Elokê li ser bajarê Hesekê qut dike. Gelê Kurd ê li derveyî welat ji bo pêşkêşkirina pereyan da ku pê ava vexwarinê bikirîn û li şêniyên bajarê Hesekê bê belavkirin, însyatîfeke civakî dest pê kir.

Ciwanên Kurd ên Danîmark û Siwêdê miqdareke pere kom kirin û ji xizmên xwe re şandin da ku pê ava vexwarinê û madeyên xwarinê bikirin û li şêniyên Hesekê belav bikin. Di demekê ku rêxistinên mirovî keraseta mirovî ku zêdetirî milyonek mirov dijî, paşguh dikin.

Ciwanê bi navê Ciwan Mehmûd ê ji şêniyên Qamişlo ku niha li Danîmarkê dimîne xwediyê vê însyatîfê ye. Ciwan Mehmûd bi rêya "facebookê" 2 hezar û 400 kes di koma bi navê "gelê Kurd li Danîmarkê"de kom kir.

Ciwanên kurd biryar dan ku vê însyatîfê berdewam bikin û erkên dikevin ser milê hemû Kurdistaniyên li Ewropayê pêk bînin, da ku îspat bikin ku gelê kurd li hundir û derveyî welêt yek e.

Ajansa Nûçeyan a Hawarê peywendî bi vê komê re danî. Wan piştrast kir ku alîkarîdayîna gelê Kurd li hemû parçeyên Kurdistanê erkeke netewî ye dikeve ser milê wan û wiha gotin: "Me miqdareke pere kom kir da ku pê av bê kirîn û li taxên navçeya Hesekê bê belavkirin."

Ciwan Mehmûd diyar kir ku ew ji bo gelê xwe her tim amade ne û got: "Gelê Kurd yek e. Dewletên dagirker dixwazin gelê Kurd parçe bikin, lê belê dê gelê Kurd ji bo parastina nasnameya xwe li her derê têbikoşe."

https://m.facebook.com/groups/448051142483903?view=permalink&id=593278954627787

Lînka koma facebookê ev e: https://m.facebook.com/groups/448051142483903?view=permalink&id=593278954627787

(cx)

ANHA