Cotkarên Hecînê: Çandinî ji ber piştgiriyê bi pêşketî ye

Gundewarên Dêrazorê yên li ser çemê Firatê bi axa xwe ya baş ji bo çandiniyê tê naskirin. Ji ber wê jî Komîteya Çandiniyê ya Meclisa Sivîl a Dêrazorê li gorî derfetên xwe destekê dide çandinî û çandiniyê bi taybet di rewşên girêdayî şêwazên nû yên avdanê de.

Komîteya Çandiniyê û Avdanê ya bajarê Hecînê destek da 25 cotkaran, pêdiviyên pêwîst ji wan re  pêşkêş kir û ji her cotkarekî re alavên avdana bi toreyan ku têra avdana 2 donim zevî dike, pêşkêş kir.

Alavên ji cotkaran re hatin pêşkêşkirin (Depoya avê (10 bermîl), parzûnka avê, alava semadkirinê, borya sereke ya avê 2 enc).

Di vê çarçoveyê de cotkarê bi navê Şihab El-Ehmed ji ANHA`yê re der barê rewşa çandiniyê de wiha axivî: "Demên berê çandiniya me bê ser û ber bû. Me Gelek av, tov û semad xerc dikir."

Meşarî El-Mensûrî jî cûdahiya di navbera şêwazê kevin û nû di avdanê de wiha diyar kir: "Me berê zeviyên xwe av didan. Lê niha tenê bi rêya dilopan e. Ev şêwaz başire. Ji ber av, semad kêm pêwîst dike."

El-Mensûrî wiha domand: "Di destpêkê de me zehmetî dîtin. Lê paşê bi saya endizyarên pispor me ev yek derbas kir."

Ji rêveberên Komeleya Cotkaran li Hecînê Cindî El-Tamê ev tişt got: "Komîteya çandiniyê ya Hecînê bi hemû şêwazan destekê dide cotkaran. Di demên pêşde dê projeyên destekdayînê ji bo sebzeyan li herêmên Hewama, El-Behra, Geranîc a rojavayê Hecînê û Baxoz a rojhilatê Hecînê, jî çêbike."

Cindî El-Tamê pişterast kir ku di destpêka hefteya pêşde bi hevkariya şirketa pêşxistina civaka çandiniyê dê destekê bidin mewsima pembo ji tov, semad û dermanan.

bx

ANHA