Ciwanên Kobanê nerazîbûn nîşanî êrişên Tirkiyê yên li ser Mexmûr û Şengalê dan

Daxuyanî bi amadebûna bi dehan  ciwananan li parka 19‘ê Tîrmehê ya li bajarê kobanê, ji aliyê endama ciwanan ve Gulan Semsûr  ve hate xwendin.

Di daxuyaniyê de hate gotin:

"Careke din dewleta Tirk a dagirker helwesta xwe ya qirkirinê li hember gelê Kurd da nîşandan. Di êrişên li Şengalê, kampa Maxmûrê û derdorê wan de dijminên mirovahiyê bi kuştina sivîl û penaberan kîna xwe ya li dijî aşitî, demokrasî û nasnameya gelan pêk anî û hemû zagon û peymanên mirovahiyê bin pêkirin.

Dewleta Tirk ya ku bi sedsalan e şerê kurdan dike bi her şêwe û kiriyaran hewl dide gelê me qir bike. Bê cudahî hebûna gelekî xwedî dîrok, xak û nasname dike hedef. Dewleta Tirk bi desthilatdariya xwe ya tundirew nikare xwe li hember derfeteke azad ji bo beşekî penaberkirî ji vî gelî bigire, lewra bi alav û firokan êrîşî wan kir. Her car di bin navnişana terorê zarok, jin û sivîlên Kurd tên kuştin. Ji lewre, pêwîst e gelê Kurd, gelên herêmê, raya giştî ya cîhanê û hemû rêxistin û tevgerên mirovahiyê helwesta xwe ya li dij van êrîşan diyar û bilind bikin, ji ber bê dengî berdewamiya kuştin û tinekirina gelê me ye.

 Em wek ciwanên şoreşger ên kantona Kobanê, bi dengekî bilind êrîşên li ser herêmên navborî şermezar dikin. Em ê  berxwedan û têkoşina azadiyê geştir bikin ta gelê me bi hêz û parastina xwe aramiya xwe bidest bixîne. Lê em cardin ji cîhanê tevahî dixwazin gelê me yê mafdar bê pişt nehêlin û seknek mirovî li pişt wan bikin.

Bêguman hemû gel hêza xwe ji ciwanên xwe digrin ji lewre em soz didin ku xebata xwe bilintir bikin û gelê xwe rêzgar bikin".

ANHA

<iframe width="560" height="315" src="https://www.youtube.com/embed/e4ioyl9w_Gk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>