Cangoriyên azadiyê li Hesekê hatin bibîranîn

Gerîlayên HPG‘ê Hêvîn Memduh (Dildar Sefqan) û Xebat Casim (Sîpan Şahîn) ên ku li Çiyayê Hekarê yê Bakurê Kurdistanê şehîd bûn, şervanên QSD‘ê Fewaz El-Mihsin (Kosofî Hesekê), Hesen Ebid Mustefa (Argeş Hesekê) û Mihemed Cefal (Basil Hesekê) û endamên Hêzên Asayîşê Seîd El-Mihemed ên ku di dem û cihên cûda de di Berxwedana Rûmetê de ya li dijî êrişên artêşa Tirka  dagirker û çeteyê wê şehîd bûne, bi tevlîbûna bi sedan şêniyên bajarê Hesekê hatin bi bîranîn.

Bîranîna li goristana Şehîd Dijwar a li gundê Dawidiyê hate lidarxistin û bi deqeyek rêzgirtin û torana leşkerî ya şervanên QSD û YPJ‘ê dest pê kir.

Piştre bi navê Komîteya Rêveber a Kar û Barên Malbatên Şehîdan a bajarê Hesekê Mihemed El-Xetîb û endamê Rêveber ê Meclisa Malbatên Şehîdan a Leşkerî ya Kantona Hesekê Viyan Kobanê axivîn.

Di axaftinan de sersaxî ji malbatên şehîdan re hate xwestin û hate gotin ku gelên Bakur û Rojhilatê Sûriyê û hêzên wê yên leşkerî bi derfetên kêm çeteyên DAIŞ‘ê têk birin û li dijî êrişên dewleta Tirk a dagirker û çeteyên wê li ber xwe didin. Her wiha got, ev encamên îradeya bi hêz a xwe dispêre xeta neteweya demokratîk a ku gel kirin yek.

Piştre endama Meclisa Malbatên Şehîdan a bajarê Hesekê Rojda Ehmed nasnameyên şehîdan xwend û radestî malbatên wan kir.

Merasîm bi dirûşmeyên dilsoziya bi şehîdan re û silavkirina berxwedana Îmraliyê bi dawî bû.

ANHA

<iframe width="560" height="315" src="https://www.youtube.com/embed/ENx9KcGIEnk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>