Li Şedadê, ji şêniyan re peydakirina derfetên kar

Komîteya Karûbarên Civakî û Xebitandinê ya Meclisa Sivîl ya Şedadê kesên ku ji zanîngehê derçûne û li derfetên kar digerin pêşwazî dike.

Komîteyê heta niha zêdetirî hezar û 600 daxwazname ji kesên ji beşên zanîngehê yên cuda derçûne, pêşwazî kirine da ku daxwaznameyên wan ji saziyên guncew re her yek li gorî beşa xwendî û li gorî pêwîstiyê pêşkêş bikin.

Komîteyê derfetên kar ji 600 kesan re di saziyên Rêveberiya Xweser yên navçeyê de peyda kir.

Serokê komîteyê Fehid El-Xidêr destnîşan kir ku gelek kesan ên xwedî bawernameyên zanîngehê daxwaznameyên erkdarkirinê di saziyên Rêveberiya Xweser de yan jî di rêxistinên ku di herêmê de kar dikin, pêşkêş kirine.

El-Xidêr wiha domand: "Em rojane bi dehan daxwaznameyan pêşwazî dikin. Wek komîte em wan dinirxînin û  her yek li gorî beşa xwendinê dikin erşîfê."

Komîte li gorî daxwazê navên kesên ku xwe di komîteyê de qeyd kirine li gorî beşa xwendinê, ji nivîsgeh û komîteyên saziyên sivîl re pêşkêş dikin.

El-Xidêr bal kişand ser ku rêjeya erkdarkirinê ji hêla Nivîsgeha Karûbarên Civakî û Xebitandinê gihaşt zêdetirî rêjeya ji sedî 45.

Tevahiya saziyên ku pêwîstiya wan bi karmendan hene daxwaznameyan ji Nivîsgeha Karûbarên Civakî û Xebitandinê pêşkêş dikin. Ev jî vedîtina derfetên kar ji kesên ku li kar digerin hêsan dike.

(şx)

ANHA