QSD‘ê cardin dewreyên perwerdeyê da destpêkirin

Li Navenda Perwerdeya Navendî ya girêdayî QSD‘ê ya li herêma El-Kesrat a başûrê bajarê Reqayê bi merasîmekê 5 dewreyên perwerdeya leşkerî hatin destpêkirin. Dewreyek taybet ji bo jinên di nava QSD‘ê de ye.

Gelek fermandarên leşkerî, nûnerên rêveberiyên sivîl û xweser ên Bakur û Rojhilatê Sûriyê, şêx û rûspiyên êlên herêmê û endamên Partiya Pêşerojê ya Sûriyê tev li merasîma vekirina dewreyan bûn.

Merasîm bi deqeyek rêzgirtin destpê kir. Piştre ji fermandarê QSD‘ê Heqî Kobanê axivî û vekirina dewreyan li gelên Bakur û Rojhilatê Sûriyê û tevahiya şervanên ku tev li dewreyan bûne pîroz kirin. Heqî Kobanê şervanên tev li dewreyan bûne muxateb girt û got: "Berpirsyarek mezin ji bo parastina ax, gel û destkeftiyên ku bi saya xwîna hevalên we yên şehîd hatine bidestixin, dikevin ser milên we. "

Di dawiyê de şervanan sonda leşkerî xwarin.

(şx)

ANHA

<iframe width="560" height="315" src="https://www.youtube.com/embed/n0FUt7c8QgU" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>