Cotkarên Minbicê dest bi çinîna sebzeyên havînê kir

Cotkarên Minbicê di destpêka meha Çileyê de dest bi çandina sebzeyên havînê yên mîna kundir û xiyaran dikin. Ev sebze di 60 rojan de digihêjin, piştre dişînin sûkên bajarê Minbicê.

Kîloya kundiran bi 300 lîreyên Sûriyê û ya xiyaran jî bi 400 lîreyên Sûriyê tê frotin.

Ruxmî ku lêçûna gihandina baxçeyan pir e, lê dê di nav sûkên bajarê Minbicê de belav bibe û dê bihayê wan ji ya sebzeyên ku ji derveyî herêmê tên, erzantir be.

Cotkar dibêjin ku lêçûna çandina hektarekî kundir, xiyar û sebzeyên din îsal gihaşt derdora 5 milyon lîreyên Sûriyê. Lê lêçûna di sala borî de 2 milyon û 500 hezar bû. Cotkar bilindbûna lêçûnê vedigerînin daketina nirxê lîreyê Sûriyê li bermaberî dolar. Her wiha girtina deriyên sînor ji ber belavbûna Koronavîrusê bû sedem ku buhayên kel û pelan biha bibin.

Cotkarê bi navê Şihade Sado ji şêniyên Minbicê ye, dibêje: "Hilberîna îsal baş e. Lê bihabûna madeyên destpêkê yên çandiniyê, lêçûna çandiniyê zêde kir."

Hilberîna herêmî ya sebzeyan rol di erzankirina buhayan di nav sûkên ku nirxên kel û pelan ji ber anîna sebzeyan ji derve buha ne de dilîze.

Saziya Çandiniyê xebat û desteka pêwîst ji cotkaran re pêşkêş dike, mîna semad, derman û sotemeniyê.

(şx)

ANHA