Partî û saziyên Kurdistanî: Ambargoya li ser Mexmûrê rakin

Partî û saziyên Kurdistanî nameyeke vekirî ji Rêveberiya Herêma Federe ya Kurdistanê re nivîsîn. Name radestî nûnerê Hikumeta Federal ê li Berlînê û ofîsa li Başûr hate kirin.

'REWŞA 12 HEZAR KURDISTANIYAN NEBAŞ E'

Name wiha ye:

"Ev name û banga me ji bo Birêz Mesûd Barzanî, Seroka Parlamenta Herêma Kurdistanê, Serokê Herêma Kurdistanê, Serokwezîr û Rêveberiya Herêma Kurdistanê re ye. Weke ku hûn jî ji nêz ve zanin, demeke dirêj e Kampa Mexmûrê di bin ambargoya Rêveberiya Herêmê de ye. Hûn û tevahiya gelê Kurd dibînin ku derdora 12 hezar Kurdistanî li wir in û rewşa wan pir pir nebaş e.

Bi derketina Koronavîrusê re, çawa ku li serê tevahiya cîhanê bûye bela, her wiha li ser gelê me jî bûye bela û metirsî. Bê guman metirsiya li ser gelê me yê li Kampa Mexmûrê mezintir e. Ji ber ku şert û mercên ew tê de ne, ji xwe gefeke li ser tenduristiyê ye. Jiyana wan bi temamî di rewşeke tehlûke de ye.

'DIVÊ TAVILÊ BÊ RAKIRIN'

Bi navê kesayet, partî û saziyên Kurdistanî yên navê wan li jêrê hatine nivîsandin, em dixwazin ev ambargo tavilê bê rakirin.

Ne pêwîst e ku em bêjin, 'gelê me yê li wir hemû Kurdistanî ne û piraniya wan jin û zarok', ji ber ku hûn hemûyan dinasin.

Em vê ambargoyê hêjayî we nabînin. Em we ji vê mijarê, ji vê helwestê mezintir dibînin. Ji ber ku em berpirsyariya we ji herêmê berfirehtir, di asta Kurdistanê de dibînin. Helwesta me ya di vê mijarê de, di heman demê de pîvana helwesta me ya ji bo yekitiya neteweyî ye.

Ev ambargo li kesayetiya we nayê, lewma em bawer in ku hûn ê vê daxwaza me hêja bibînin û di demeke herî nêz de vê ambargoyê rakin.

Em ji we bawer dikin, hêviyên erênî ji we dikin û di vê daxwaza xwe de israr dikin. Bi silav û rêzên xwe li benda bersiveke erênî ne."

YÊN KU MOHRA XWE DANÎN BINÊ NAMEYÊ

"YNK (Yektiya Niştimanî Kurdistan)

Tevgêra GORRAN

KCDK-E (Kongra Civaka Kurdistaniyan-Ewrupa)

TJK-E (Tevgêra Jinên Kurdistanê-Ewrupa)

Partiya ŞÛÎ Kurdistan  Başur

Partiya Zahmetkêşan - Başûr

PADÊ (Partiya Azadî û Demokrasiya Êzîdiya)

Tevgêrê Azadî

PYD (Partiya Yekîtiya Demokrat)

P.D.K.S  (Partiya Demokrat a Kurdi ya Sûryê)

Partiya Çep a Kurd li Sûryê.

Tevgera Nûjen ya Kurdistanî-Sûryê.

Partiya Demokrata Kurd li Sûriya( El Partî).

Partiya Demokrata Pêşverû ya Kurd li Sûriyê.

Partıya Çepa Demokrat A Kurd le Sûrıyê.

PYDKS - Partiya Yekiti ya Demokrat a Kurd li Sûriyê .

Partiya Rêkeftin a Kurd li Sûryê.

Partiya Çaksaziya Kurd li Sûriyê.

Partiya Kesk a Kurdistanî li Sûriyê.

Partiya Demokrata Kurdistanî li Sûryê.

Partiya komanist a Kurdistanî li sûriyê.

PIK (Partiya İslamiya Kurdistan)

KKP ( Partiya Kominista Kurdistan)

Tevgêrê Kawa

PJAK(Partiya Jiyana Azada Kurdistan)

yakyatî Şorşgêrî Kurdistan

KODAR  (Civaka Demokratîk û Azada Rojhelatĕ Kurdistan)

KJAR (Civaka Jinên Rojhelatî Kurdistan)

Platforma Horam

Plattform Zagros

Plattform Yarsan

Yarî Kurd

Kurdische Gemeinde Stuttgart e.V

FEDA ( Federesyona Elewîyên Kurdistan)

NAV – YEK (Federasyona Komelên Êzidiya)

Kurdische Zentrum Berlin

CIK ( Civaka Islamiya Kurdistan)

Enstituta Kurdî – Almanaya

Enstituta Kurdî – Bruksel

MŞD ( Meclîsa Şingal a Derveyî Welat)

YMK ( Yekîtîya Mamostayên Kurdistan)

YES (Yekitiya Êzdiyên Sûri)

Kurdisch Gemeinde Brandenburg - Berlîn   

Dachverband der Êzidischen Frauenräte

DKF (Deutsch-Kurdisches Forum) e.V  Dresden

Mezopotamya Halk Kongresi.

Mezopotamya Özgurluk Partisi.

Kurdistan Human Rights Association."