318 mamosteyên Serêkaniyê bawername wergirtin

Komîteya Rêveberiya Dibistanan a kantona Hesekê şahiyeke mezin li yarîgeha Cizîrê ya Xedra ya bajarê Hesekê li dar xist.

Hejmara mamosteyên ku bawername wergirtine 318 û ji şêniyên Serêkaniyê ne. Mamosteyan perwerde li Peymangeha Zanist a Pewerdê ya Hesekê standin.

Şahî bi deqeyeke rêzgirtinê dest pê kir, piştre endama rêveber a Rêveberiya Giştî ya Peymangeha Zanist a Perwerdê ya kantona Hesekê Mîdya Şemdîn axivî û wiha got: "Tevî rewşên dijwar û êrişên dewleta Tirk a dagirker, ji tevahî aliyên siyasî, leşkerî û perwerdê ve li ber xwe didin."

Mîdya Şemdîn mamosteyên bawername  wergirtine pîroz kir û wiha dewam kir: "Mamosteyan xwe ji tevahî cîhanê re sepand ku tevî rewşên dijwar ên li herêmên wan û dagirkeriyê, li ber xwe didin, her wiha bi rêya fêrkirinê nasname û kesayetên xwe eşkere dikin."

Ji aliyê xwe ve jî hevseroka Meclisa kantona Hesekê Semer Abdullah destnîşan kir ku tevahî pêkhateyên li Bakur û Rojhilatê Sûriyê li ser metoda wekhevî û edaletê dimeşin.

Semer diyar kir ku kêfxweşiya mezin, rizgarkirina bajarê Serêkaniyê û vegera şêniyên wê ye.

Piştî axaftinan, mamoste Mihemed Haco û Sozdar Mihemed bawername li mamosteyan belav kirin.

Ji mamosteyên bawername girtine, Rozêv Îsa ji bajarê Serêkaniyê ye kêfxweşiya xwe anî ziman û wiha got: "Îro pir kêfxweş in, her wiha spasiya peymangehê der barê lidarxistina vê şahiyê de dikin."

Şahî bi girtina mamosteyan a dîlanê bi dawî bû.

(fr)

ANHA