Rejîm amadekariyên pêşdeçûyîna li bejahiya Hemayê dike

Vê sibê Navenda Çavdêriya Mafên Mirovan (SOHR) diyar kir ku balafirên rejîmê yên şer êrişî bajarê Seraqibê yê rojhilatê Idlibê kirin.

Di saetên derengiya şevê de û vê sibê balafirên Rûsya êrişî parêzgeha Idlibê û gelek herêmên li Seraqibê û Seremîn ên bejahiya rojhilatê Idlibê kirin.  

Bi pêkanîna van êrişan re hêzên rejîmê deverên li Seraqib, Seremîn, derdora Biniş, Mestûmê, Qimyanîs, Dadayîx, Zikar, Mere Uliya, Kefer Betîx û Meret Nûsan ên bajehiya Idlibê topbaran kirin. Li gel vê yekê rejîmê hewldana serwerkirina parêzegeha Hemayê dike û li eniyên Sehil Xab ê bejahiya rojavayê-bakurê Hemayê di navbera çeteyan û hêzên rejmê şer berdewam e.

Ji aliyekî din ve jî, Navenda Çavdêriya Mafên Sûriyê ragihand ku piştî hêzên Tirkiyê bi balafiran hêzên rejîmê û çekdarên ser bi rejîmê ve li bejahiyên Helebê û Idlibê kirin armanc, li derdora bajarokê Zirbê yê bejahiya başûrê Helebê 4 leşkerên rejîma Sûriyê û 2 fermandarên Hizbullaha El-Lubnanî hatin kuştin.

Piraniya endamên Meclisa Ewlehiyê duh di civîna awarte de banga agirbestê kirin.

Roja pênşemê balafirên rejîmê li bakur-rojavayê Sûriyê herî kêm 33 leşkerên dewleta Tirk kuşt.

(eh)