Sersaxî ji malbata şehîd Sînem re hat xwestin

Îro bi sedan şêniyên kantona Qamişlo, herêma Cizîrê, navçeyên wê, endamên saziyên civaka sivîl, şandeyek ji Rêveberiya Xweser û bi dehan endamên Hêzên Ewlekariya Hundrîn (Asayîş) tev li konê sersaxiyê yê şehîd Sînem Yûsif (Duniya Destan) bûn ku di encama topbarana artêşa Tirk a dagirker de li ser çiyayên Kurdistan şehîd bûbû û sersaxî ji malbata wê re xwest.

Konê sersaxiyê li Navenda Şehîd Bawer a ciwanan a bajarê Dêrikê hatiye vedan. Merasîma sersaxiyê bi rêzgirtin dest pê kir. Paşê bi anvê YPG`ê, Meclisa Malbatên Şehîdan a Qamişlo, PYD, Kongreya Star, meclisa navçeya Til Koçer û meclisa kantona Qamişlo axaftin hatin kirin. Di axaftinan de îşaret bi berxwedan û lehengiya şervanan li Bakur û Rojhilatê Sûriyê hat kirin û çawa di oxira wê de canê xwe feda kirine.

Her wiha hate gotin ku bi saya têkoşîna gelên Bakur û Rojhilatê Sûriyê û berxwedana şehîdan hemû proje û komployên li dijî neteweya demokratîk ku ji aliyê dewletên herêmê, hêzên navdewletî û bi taybet Tirkiye û çeteyên wê ve têk çûn.

Axaftvanan banga yekitî û hevgirtinê kir da ku xewn û armancên şehîdan pêk werin û jiyana azad û wekhev ji tevahî gelên Bakur û Rojhilatê Sûriyê re were peydakirin.

Paşê bi navê malbata şehîd xwişka wê hevseroka kantona Qamişlo Perwîn Yûsif wiha axivî: "Ez şehadeta xwişka xwe Sînem li bavê xwe yê ku her tim ev kêlî xewna wî bûn, pîroz dikim. Şehîd Sînem ji dê û bavê xwe rihê welatparêziyê girt heta ku gihîşt asta şehadetê."

Di dawiyê de wesîqeta şehadetê hat xwendin û radestî malbata şehîd hat kirin.

(bx)

ANHA

<iframe width="560" height="315" src="https://www.youtube.com/embed/GqDNPiq3-8Y" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>