Rêveberiya Xweser derxistina pez ji derveyî herêmên rêveberiyê qedexe kir

Rêveberiya Xweser a Bakur û Rojhilatê Sûriyê biryarnameyên hejmara 2 û 3 derxist. Di biryarnameyan de derxistina pez ji derveyê herêmên Rêveberiya Xweser a Bakur û Rojhilatê Sûriyê hat qedexekirin.

Di biryarnameya hejmara 2 de hate gotin: "Piştî şopandina tevegera bazaran û bilindbûna mezin a nirxên dolar li beramberî lîreyên Sûrî diyardeya derxistina bez ji herêmên derveyê Rêveberiya Xweser a Bakur û Rojhilatê Sûriyê zêde bû.

Di encamê de pez di bazarên herêmî de kêm bû. Ev yek bandoreke li ser hêza welatiyan a kirîna goşt kir. Li ser vê yekê Hevserokatiya Meclisa Rêveber ev biryar standin:

-Qedexe ye pez ji herêmên Rêveberiya Xweser a Bakur û Rojhilatê Sûriyê werin derxistin.

- Biryar pezên ku di rêya tranzît de têne, di nav xwe de nagire.

-Biryar ji 20‘ê Çileya 2020‘an de dikeve meryetê de."

Di biryarnameya (3) de hate ev tişt tê gotin:

"Ji ber zêdebûna bûyerên derxistina sewlan ji Bakur û Rojhilatê Sûriyê ku bandorekê li berhemên sewaldariyê dike, ev biryar hatin standin:

"-Hêzên Ewlekariya Hundirîn, Gomrik û tevahî aliyên xwedî sîfeta zabîtiya dadwerî çavdêriya bûyerên qaçaxçî bikin.

-Qaçaxçî dê wergirtin û tevlî kelûpelên radestî rêveberiya herî nêzîk a gumrikê were kirin da ku wan li gorî madeya 65 a qanûna gumirkê sewqî dadê werin kirin.

-Pez û wesayîta veguhestina wan yên di sûcê qaçaxçitiyê de ji bo berjewendiya giştî têne bikar anîn, têne desteserkirin.

-Ji pênc caran cezayê gumrikan li baca heywanên qaçaxî tê dayîn."

ANHA