Heftane 125 hezar lîtreyên gazê li koçberên kampa Holê tê belavkirin

Li Bakur û Rojhilatê Sûriyê 15 kampên koçberan hene tevî hejmareke kampên nebirêxistinkirî ku li gudewarên Reqa, Tebqa û Dêrazorê ne. Herêmên Bakur û Rojhilatê Sûriyê ji bo bi hezaran koçberên ku ji ber şer bê cih û war mane, bûye waregeh.

Kampa Holê ji xeternaktirîn kampên cîhanê tê hesibandin. Ji ber ku bi hezaran endamên malbatên çeteyên DAIŞ`ê yên xwedî fikrên radîkal lê dimînin û hewl didin ji nû ve fikrên DAIŞ`ê bi rêxistin bikin.

Berpirsê buroya xizmetguzariyê li kampa Holê Berzan Abdullah ji ajansa me ANHA`yê re diyar kir ku 5 nuqteyên belavkirina gazê li kampê hatine diyarkirin.

Abdullah her wiha got her malbatek 25 lîtreyên gazê ji bo 10 rojan werdigire û wiha dewam kir: "Ger malbat ji zêdetirî 8 kesan be, 2 par ji malbatê re tên dayîn."

Abdullah destnîşan kir ku heftane li kampê 125 hezar lîtreyên gazê tên belavkirin.

Hêjayî bibîrxistinê ye ku kampa Holê di 9`ê Adara 2016`an de li nêzî sînorê Iraq-Sûriyê, ji aliyê Buroya Kar û Barên Koçberan a Bakur û Rojhilatê Sûriyê ve hate vekirin. Kamp 45 km li rojhilatê navenda kantona Hesekê dikeve û tê de 67 hezar û 895 koçber dimînin.

(cx)

ANHA