Têkildarî koçberiyê li Şehbayê panelek hate lidarxistin

Partiya Sûriyê ya Pêşerojê şaxê herêma Efrînê bi navnîşana "Koçberî û Koçberkirina bi zorê" paneleke li dar xist.

NÛÇE

22 kanûn, 2019 15:36

ŞEHBA

Bi dehan endamên saziyên sivîl ên herêma Efrînê tev li panela li hola Çand û Hunerê ya navçeya Fafîn hatibû lidarxistin, bûn.

Panel bi deqeyeke rêzgirtin destpê kir. Piştre rêveberê Partiya Sûriyê ya Pêşerojê Mihemed Reşîd koçberî û koçberiya etnîkî sedem û armancên wê û bandora wê şîrove kir.

Reşîd bal kişand ser 5 xalên girîng:

1-Girîngiya avakirina komîteyeke navdewletî ji şopandina û belgekirina sûcên şer, koçberkirina bi zorê ku li Bakur û Rojhilatê Sûriyê tên meşandin.

2-Aktîvkirina biryarên Konseya Ewlekariyê yên girêdayî Sûriyê û derxistian dewleta Tirk a dagirker ji tevahî xaka Sûriyê.

3-Fişar li Tirkiyê were kirin da ku çalakiyên xwe yên dagirkerî û guhertina demografîk li bajar û gundên Sûriyê werin rawestandin.

4-Mîsogerkirina vegera tevahî sûriyan.

5- Pêkanîna aştiyê li gorî biryarên navdewletî di nav de ya "2254" û destpêkirina diyalogên siyasî aktîv ji bo veger penaberan.

Piştre deriyê nîqaşê hate vekirin. Beşdaran nêrînên xwe li ser rêbazên rêgirtina li pêşiya koçberiyê û guhertina demografîk a ji aliyê hêzên dagirker di serî de Tirkiyê de tê kirin, anîn ziman.

ANHA