Meclisa Leşkerî ya Kobanê: Tirkiyê li hember tevahî cîhanê disekine

Hevsrokê Meclisa Leşkerî ya Kobanê Îsmet Şêx Hesen di roja Cîhanî ya piştgirya Kobanê de axivî. Şêx Hesen destnîşan kir ku berxwedan biryara wan a tekane li Kobanê ye ku projeyên Tirkiyê yên di bin cilê DAIŞ`ê de li dijî êrîşên dewleta Tirk a dagirker li dijî herêmên Bakur û Rojhialtê Sûriyê, têk bibin.

Şêx Hesen destnîşan kir ku dewleta Tirk a dagirker dixwaze berxwedaniya dîrokî ya Kobanê ku dengê wê li tevahî duniyayê belav bû, têk bibe. Her wiha diyar kir ku ji beriya çend salan Kobanê bi aramî û ewlehî dijî, lê dewleta Tirk israr dike ku vê herêmê veguherîne dojehê, wê bi temamî birûxîne û li hember  tevahî cîhan ku destek dide vî bajarê, disekine.

Li bajarê Kobanê îro meşek girseyî hat lidarxistin. Bi hezaran şênî bi dirûşmeya "Bi rihê 1`ê Mijdarê Roja Cîhanî ya Kobanê emê asta berxwedana bilind bikin û dektatroiyê hilweşînin" tev li meşê bûn.

Hevsrokê Meclisa Leşkerî ya Kobanê Îsmet Şêx Hesen bang li tevahî gelên cîhanê kir ku dakevin qadan û destek bidin Kobanê ku destpêka tinekirina xeteriya li ser tevahî cîhanê ji wir destpê kir.

Serokkomarê Tirkiyê Receb Tayyîb Erdogan beriya çend rojan gef xwar ku ew ê êrîşên li dijê Bakur û Rojhilatê Sûriyê berfireh bikin û Kobanê jî di nav de. Ji aliyekî din ve jî, êrişên dewleta Tirk a dagirker li dijî herêmên Bakur û Rojhilatê Sûriyê, didome.

(bx)

ANHA