Şandeya Desteya Şaredariyan li Serêkaniyê têkildarî hizimîna axê lêkolîn kir

Şandeyek ji Desteya Şaredariyan a Herêma Cizîrê serdana herêma Serêkaniyê kir da ku rewşa hizimîna axê ku di demên dawîn de çêdibû û taybet rûdanên ku li herêma Cizîrê piştî barîna baranê ya zêde bişopîne.

NÛÇE

30 nîsan, 2019 12:28

HESEKÊ

Di demên dawîn de li bajarê Serêkaniyê erd bi awayekî zêde dihizime û çal lê çêdibin. Vê yekê jî zirar li malên sivîlan û hin cihên li bajêr kir. Îro endamên Desteya Şaredariyan a Herêma Cizîrê bi nûnertiya cîgirê hevserokê Desteya Şaredariyan, endezyar û pisporên jeolojiyê, pisporên lêkolînkirina axê, hin endamên Odeya Endezyaran a Herêma Cizîrê û hin rayedarên Şaredariya Gel a Serêkaniyê serdana bajêr kir.

Di serdanê de pisporan sedemên hizimîna axê û rêyên çareserkirina wê û lêkolînkirina dîtin û diyar kir ku di demeke kurt de xetere tune ne. Pisporan destnîşan kir ku hin tedbîr der barê lêkolînkirina axê de hene û tekez kir ku binesaziya navçeya Serêkaniyê baş e.

Der barê mijarê de hevserokê Şaredariya Gel a Serêkaniyê Luqman Îsa ji Desteya Şaredariyan a Herêma Cizîrê xwest ku alîkariyên pêwîst û girîng ji bo şopandina rewşa li bajêr pêşkêş bikin û tekez kir ku alavên lêkolînkirina axê di demên pêş de peyda bikin.

(jo)

ANHA