Di roja 5‘emîn de şanoya "Desteserkirin"

Di roja 5‘emîn a Mîhrîcana Şehîd Yekta Herekol a Şanoyê de Koma Serdem a Hêzên Erka Xweparstinê ku ji 4 jinan pêk tê şanoya "Desteserkirin" pêşkêş kir.

ÇAND Û HUNER

31 adar, 2019 16:11

QAMIŞLO

Mihrîcana Şehîd Yekta ya Şanoyê ya 4`emîn ku bi dirûşmeya "Dengvedana Efrînê" ji aliyê Desteya Çand û Hunerê ya Herêma Cizîrê ve hatiye organîzekirin di roja xwe ya 5‘emîn de didome.

Di roja 5‘emîn a mîhrîcanê de ku li ser dika şanoyê ya navenda Çand û Hunerê ya Mihemed Şêxo ya bajarê Qamilo tê lidarxistin, Koma Serdem a Hêzên Erka Xweparastinê ku ji 4 jinan pêk tê şanoya xwe ya bi navê "Desteserkirin" pêşkêş kir.

Bi dehan şêniyên bajarê Qamişlo, rewşenbîr û hezkiriyên şano amade bûn.

Nivîskarê Kurd Hoşeng El-Wezîrî ê ji bajarê Silêmanî şano nivîsandiye û Hesen Remo derhêner kiriye.

Şano balê dikşîne ser desthilatdariya sermiyana malê li ser saziya malbatê û bandora wê ya neyinî li ser malbat û civakê.

Piştî şano bi dawî bû, beşdaran der barê wê de nirxandin kirin. Hin beşdaran gotin lîstikvanên şanoyê rola xwe lîstin û peyên Kurdî yên hatine bikaranîn baş hatine diyarkirin, her wiha spasiya derhêner Hesen Remo kirin.

Mîhrîcan dê heta 5‘ê Nîsanê dewam bike.

ANHA