1'emîn Festîvala Werzîşê ya Minbicê bi dawî bû

MINBIC

Fastîval bi dirûşmeya `Werzîş ji bo perwerdekirina derûnî û avakirina civakek exlaqî ye`,  hatibû organîzekirin, bi dawî bû. Di fastîvalê de bi sedan şêniyên bajarê Minbicê, endamên saziyan û komîteyên Rêveberiya Sivîl a Minbicê û gundewarê wê amede bûn.

Di festîvalê de cîgirê hevserokatiya Meclisa Rêveber a Bakur û Rojhilatê Sûriyê Hemdan El-Ebid axivî. El-Ebid şehîdên Bakurê Sûriyê bi bîr anî û bang li yekrêziya pêkhateyan kir da ku li hember tevahiya tehdîdên derve û hundirîn bisekinin.

Piştre Koma Şehîd Zîlan a Herêma Cizîrê berhemên xwe yên hunerî, tîma kiluba Eyûb berhemek girêdayî werzîşa tekwando û Koma Şehîd Osman şanoyek girêdayî binpêkirinên çeteyên DAIŞ`ê li Sûriyê pêşkêş kirin.

Paşê serokê Partiya Pêşerojê ya Sûriyê Ibrahîm El-Qefatn axivî û lidarketina fastîvalê li şêniyên Minbicê pîroz kir. El-Qeftan tekez kir ku wek partiyek Sûrî ji bo nûnertiya tevahiya gelê Sûriyê dê bixebitin û armanca wan Sûriyeyek nenavendî û demokratîk e.

Piştî wê Rêveberiya Sivîl a Demokratîk a Minbicê û gundewarê wê, sazî û komîteyên girêdayî wê xelat kirin û koma Nûpelda ya Herêma Cizîrê stranên gelêrî stran.

Piştî stranan, hevserokê kluba Berxwedan a Werzîşê ya Herêma Cizîrê Ebdulbaqî Cemal axivî û komkujiya 12`ê Adarê ya Qamişlo şermezar kir. Cemal destnîşan kir ku Serhildamna Qamişlo bersîva komkujiya ku rêjîma Baas û alîgirên wê yên şofanîst pêk aniye, ye. Her wiha salvegera damezirandina Rêveberiya Sivîl a Minbicê pîroz kir.

Paşê maçek di navbera kluba Minbicê û Berxwedan a Herêma Cizîrê de li stada Minbicê li dar ket. Di dawiya maçê de kluba Minbicê bi encama 1-0 bi serket.

Piştre gelek berhemên werzîşê di gelek beşan de hatin pêşkêşkirin. Fastîval bi gerandina xelekên govendê li stada Minbicê bi dawî bû.

(şx)

ANHA