Li Hesekê peymangeha Mezopotemiya ya Mûzîkê tê vekirin

HESEKÊ

Komîteya Çand û Hunerê ya kantona Hesekê da ku nifşên nû têkevin nava mûzîk û hunerê pêş bixin peymangeha Mezopotamiya ya Mûzîkê bi merasimekî vekir. Peymangeh li taxa El-Muftî ya bajarê Hesekê hate vekirin. Hevseroka Meclîsa kantona Hesekê Sermer Abdullah, hevseroka Buroya Partiya Pêşeroj a Sûriyê Raniya Fereman, hevseroka komîteya Çand û Hunerê ya kantona Hesekê Efaf Heskî, endamên Yekîtiya Rewşenbîran, endamên komîteya Çand û Hunerê ya kantona Hesekê û gelek şêniyên Hesekê di merasimê de amade bûn.

Di merasimê de endamê Desteya Çand û Hunerê ya Herêma Cizîrê Ehmed Çetalî axivî û wiha got:" Mûzîk yek ji bingeha pêşketina çanda her civakekê ye û girêdana di navbera civak û gelan de ye."

Çetalî diyar kir ku êdî mûzîk bûye parçeyek ji jiyana mirov.

Hevseroka komîteya Çand û Hunerê ya kantona Hesekê Efaf Heskî got: "Ew gelên Bakur û Rojhilatê Sûryeyê dê ji tevayî cîhanê re bisepînin ku çiqas bi çanda xwe ve girêdayî ne û dê ji nifşê nû re ava bikin.”

Efaf destnîşanî kir, ev peymangeh dê rê li pêş nifşê nû vedike û ji bo mûzikê bi dest bixin.

Birîna şirîta vekirina peymangehê ji aliyê dayîkê şehîd Qehreman Siltan Sedo ve hat birîn.

(fr)

ANHA