Greva biçîbûnê ya jinên Efrînê bi dawî bû

FÎDAN ABDULLAH /ŞEHBA

Ji bo şermezarkirina tecrîdkirina Rêberê Gelê Kurd Abdullah Ocalan û piştgiriya çalakiya greva biçîbûnê ya Leyla Guven, zêdetirî 60 jinên Efrînê 13'ê Kanûnê ketin greva birçîbûnê. Çalakiya greva biçîbûnê bi dirûşmeya 'Em ê pergala Îmraliyê hilweşînin û bi serok Apo re azad bijîn ' li gundê Babnisê hatibû destpêkirin.

Cihê çalakiyê bi wêneyên têkoşerên jin ên Berxwedana Serdemê, Rêberê Gelê Kurd Abdullah Ocalan, Leyla Guven, alên Kongreya Star û pankartên bi nivîsên 'Em ê pergala Îmraliyê hilweşînin û bi seroka Apo re azad bijîn', 'Azadiya serok Apo azadiya gelan e', Azadî ji bo serok Apo re' û 'li hember dagirkeriya Tirk serhildin' hatibû xemilandin.

Di roja dawî ya grevê de endamên Kongreya Star, malbatên şehîdan, meclisên gundê Babnis û Til Şiîr, Tevgera Kevana Zêrîn, Rêveberiya Xweseriya Demokratîk, meclis û saziyên Rêveberiya Kantona Şehabyê bi hemû pêkhateyên xwe ve serdana çalakvanan kirin.

Piştî deqeya rêzgirtin axaftin bi navên Kongreya Star a Babnisê Zêneb Xelîl, Kevana Zêrîn Nehîde Xelîl û bi navê Tevgera Çand û Hunerê Henen Seydo hatin kirin.

Di axaftinan de hate destnîşankirin ku dijminên gelê Kurd û mirovahiyê di dilên gel de kîn û nefret li xwe, ziman û çanda xwe çandine, heta ku gel ji hezkirina welat bi dûr xistin.

Her wiha hat tekezkirin ku fikr û felsefeya Rêberê Gelê Kurd Abdullah Ocaln gel ji wê zulmê û çewisandinê xilas kiriye û ew ber bi azadiyê ve biriye

Di axaftinan de hate destnîşankirin ku Ocalan ji bo azadiya gelan têk dikoşe, ji ser vê yekê divê her kes xwedî li felsefeya wî derkeve û xeta têkoşînê berdewam bike ta Ocalan azad bibe.

Paşê gelek helbest bi zimanên Kurdî û Erebî yên pesna fikr û felsefeya Ocalan dikin û banga azadiya wî dikin li rex stranên şoreşgerî hatin vegotin.

Endama Koordînasyona Kongreya Star Newroz Haşim çalakiya greva birçîbûnê ku 3 rojan berdewam kiriye bi teqezkirina berdewamkirina têkoşîn û berxwedanê ta azadiya Ocalan bi dawî kir. Her wiha Newroz piştgiriya xwe bi berxwedana Leyla Guven re li girtîgehên dewleta Tirk a faşîst destnîşan kir.

Çalakî bi berzkirina dirûşmeyên silavkirina berxwedana Leyla Guven û jina azad û azadiya Ocalan bi dawî bû.

(şx)

ANHA