Li Helebê dewreya perwerdeyê ya hemşîretiyê bi dawî bû

Meclisa Tenduristiyê ya taxa Şêxmeqsûd dewreyeke perwerdeyê ya hemşîretiyê bi dawî kir.

NÛÇE

20 cotmeh, 2018 18:59

HELEB

Bi armanca pêşxistina beşê tenduristiyê li taxê, Meclisa Tenduristiyê ya taxa Şêxmeqsûd a Helebê bi tevlêbûna 25 hemşîreyên nexweşxaneya şehîd Xalid Fecir dewreyeke perwerdeyê ya hemşîretiyê vekir.

Dewreya perwerdeyê 15 rojan berdewam kir û îro bi şahiyekê bi dawî bû. Di şahiyê de hejmareke kadroyên tenduristiyê yên nexweşxaneyê û şêniyên taxê amade bûn.

Hevserokê Meclisa Tenduristiyê ya taxa Şêxmeqûd a Helebê Dokotr Mihemed Mihemdekê bi xêrhatina beşdaran kir û bidawîbûna dewreya perwerdeyê li hemşîreyan pîroz kir.

Rêveberê Nexweşxaneya Şehîd Xalid Fecir Welat Remo, doxtor Xalid Fecir ê di berxwedana Şêxmeqsûd de şehîd bibû bi bîr anî û rola şehîdan di pêşxistina nexweşxaneyê de anî ziman.

Di şahiyê de, endama Meclisa TEV-DEM‘ê Şehreman Mihemed hemşîreyên di perwerdeyê de bi serktine pîroz kir.

Meclisê bawernameyên hemşîretiyê li 19 hemşîreyên serkeftî belav kir.