Li Hesekê baxçeyê zarokan hate vekirin

Saziya Perwerde û Fêrkirinê ya Hesekê bi armanca bilindkirina asta zarokan a fikrî û pêşxistina şarezahiyên wan, Baxçeyê Zarokan vekir.

CIVAK Û JIYAN

18 îlon, 2018 08:34

NESRÎN ELÎ-ŞEVÎN HESEN / HESEKÊ

Rêveberiya Xweseriya Demokratîk a Bakurê Sûriyeyê destek da vekirina baxçeyên zarokan. Baxçeyê Zarokan ê taxa El-Kelasê ya bajarê Hesekê ya herêma Cizîrê bi sponseriya Saziya Perwerde û Fêrkirinê ya Hesekê di 2`yê Îlona îsal de hate vekirin.

Baxçe zarokên ku temenê wan di navbera 3-4 saliyê de ye, pêşwazî dike. Dema baxçe ji saet 8:00’ê sibehê dest pê dike û heta 12:00’ê nîvro diqede. Armanca vekirina baxçe, alîkariya jinên karmend e.

Hejmara zarokên baxçe ji her du pêkhateyan, 40 zarok in û heta niha deriyê tomarkirinê vekiriye.

Baxçeya Zarokan ji 4 jûr û 4 mamosteyan pêk tê. Zarok zimanê dayikê, wêne û muzîkê fêr dibin û her wiha di parka baxçe de lîstokan dilîzin.

Têkildarî mijarê berpirsa baxçe Nêroz Ibrahîm ev tişt aşkera kirin: "Baxçe ji bo zarokan wekî bingeh tê hesibandin, şarezahiyên wan xurt dibin. Ji ber ku zarok di vî temenî de gelek tiştan nas dikin û keşf dikin."

Hêjayî bibîrxistinê ye ku Saziya Perwerde û Fêrkirinê ji bo vekirina baxçeyekî li taxa El-Salihiyê di nav amadekariyan de ye.

(şx)

ANHA