ˊŞoreşa Bakur û Rojhilatê Sûriyeyê bûye îlhama berxwedanê ˊ

Hemwextî hatina 8ˊê Adarê, HPC-Jin civîneke fireh ji xelkê taxa Enteriyê ya Qamişloyê re li hola mizgefta Ebû Bekir El Sedîq re li taxa Curnik li dar xist.

Di civînê de endamên jin ên komînên taxê, endamên Kongra Star, Partiya Yekitiya Demokratîk (PYD), endamên HPC-Jin beşdar bûn.

Her wiha di civînê de endama rêvebera HPC-Jin Rebîe Hesam 8ˊê Adarê li tevahî jinan pîroz kir û li ser 8ˊê Adarê, sedema navlêkirina wê ya Roja Jınan a Cîhanê û girîngiya wê ji gelê Kurd re axivî.

Rebîe destnîşan kir ku jin ji tevahî dewletên cîhanê 8ˊê Adarê rêya temamkirina têkoşîna xwe ya lêgerîna li azadiya jinê şopand û bal kişand ser rola pêşeng a jinan di Şoreşa Bakur û Rojhilatê Sûriyeyê de lîstiye heta ku ji tevahî jinên cîhanê re bûye sembola berxwedanê.

Rebîe da zanîn ku Rêber Abdullah Ocalan girîngî da jinê û çawa ew rola xwe di pêşengtiya civakê û jiyanê de bilîze û got: "Rêber Abdullah Ocalan 8ˊê Adarê diyarî tevahî jinên cîhanê kir."

Civîn bi soza bilindkirina têkoşînê heta gihandina civakeke azad û demokratîk ku tê de jin û mêr bi ewle û jiyaneke hevbeş bijîn.

(fr)

ANHA