Zêdetirî milyonek dolar zirar bi stasyona Kehrebê ya Curniyê bûye

Desteya Enerjiyê ya kantona Tebqayê diyar kir ku ji ber êrişên dewleta Tirk a dagirker li dijî stasyona kehrebê ya Curniyê nêzî milyonek û nîv milyon dolar zirar bûye. Deste hewl dide bi awayekî awarte ji bo dabînkirina ava vexwarinê kehrebê ji xelkê bajêr re peyda bike.

ROJANE

8 ÇILE, 2025 07:10

TEBQA

RÊNAD EL ELÎ

Di 3 û 4’ê Çileyê de dewleta Tirk a dagirker û çeteyên wê bi balafirên bêmirov li dijî bajarê Curniyê yê gundewarê kantona Tebqayê êriş pêk anîn. Di encamê de zirarekî mezin gihîşt sermiyanê şêniyan û saziyên xizmetguzariyê

Hevserokê Desteya Enerjiyê ya kantona Tebqayê Macid El Ebdo ji ajansa me re diyar kir ku di encama êrişan de avahiya Şaredariya Gel a bajarokê Huriye, stasyona sereke ya kehrebeyê ya bajarê Curniyê hatin wêrankirin. Ji ber wê jî ava vexwarinê ji ser bajêr û gundên wî qut bû û zirar gihîşt torên kehrebetê û wesayîtên xizmetguzariyê yên bajêr.

Li gorî El Ebdo, zirarekî wiha gihîştiye stasyona kehrebeyê ya Curniyê: 66/20 K.V ji xizmetê derket. Amadekariyên qada veguhastinê jî bi temamî ji xizmetê derketin. Tabloyên kontrolê bi temamî ji xizmetê derketin û ji sedî 60 ji avahiya stasyonê hat wêrankirin.

El Ebdo diyar kir ku zirarek bi nêzî mîlyonek û nîv milyon dolar gihîştiye stasyonê û got: “Desteyê bi awayekî awarte dest bi xebatên peydakirina kehrebe û avê ji şêniyên bajêr re kir. Ew jî bi rêya xeta Caiber, Mehmûdlî û gundê Huriye ye."

(mh/fr)

ANHA