Xelkê Til Birakê sersaxî da malbata şehîd Ebduselam El Ehmed

Bi dehan xelkê navçeya Til Birakê, endamên saziyên sivîl û leşkerî sersaxî da malbata şehîd Ebduselam El Ehmed ê ku di êrişa dewleta Tirk a dagirker li Qamişloyê de şehîd bûbû.

Konê sersaxiyê li gundê Xirbet El Şêx ê navçeya Til Birakê ku gundê şehîd e hate lidarxistin.

Di merasîmê de hevserokê Meclisa Malbatên Şehîdan a Til Birakê Letîf Selîm axivî û got: "Şehadet pileya herî bilind a baweriyê ye, şehîd di oxira welat û neteweya xwe de canê xwe da."

Selîm wiha domand: "Bikaranîna bomeyên qedexekirî, gazên kîmyewî, bombeyên nukleerî û hemû êrişên wê li dijî xaka me vîn û îsrara gelan naşikînin û dê li hember êrişan bi hemû hêza xwe li ber xwe bidin."

Endamê Hêzên Ewlekariya Hundirîn a Til Birakê Ebdullah El Setam sersaxî da malbata şehîd û got: "Balafirên bêmirov ên dewleta Tirk nuqteyên Hêzên Ewlekariya Hundirîn bombebaran dikin, bi wê re hevrêyên me şehîd dibin. Armanca dewleta Tirk ji êrişa dawîn xebata hevbeş a li dijî hêzên tarî û pêkanîna ewlehî û îstîqrarê werin astengkirin. Ev jî nîşaneya girêdana Erdogan, Tirkiye bi hêzên terorîst re ye."

Endama Meclisa Navçeya Til Birakê Xewle El Nasir axivî û got: "Li vê xaka pîroz bêhna şehîdan difore."

Xewle êrişên dewleta Tirk a dagirker şermezar kirin û got ew êrişa vîna gel naşikînin.

Li dawiyê wesîqeya şehîd hat xwendin û radestî malbatê hat kirin.

(fr)

ANHA