Tevgera Azadî: Îdiayên şehîd Firyal Silêman endama me bû, ne rast in!
Berdevkê Tevgera Azadî der barê îdiayên ku jina siyasetmedar a Kurd Firyal Silêman Xalid endamê Tevgera Azadiyê bû ne rast in.
Berdevkê Tevgera Azadiya Civaka Kurdistanê Cûma Kerîm der barê îdiayên ku jina siyasetmedar a Kurd Firyal Silêman Xalid ku îro li Kerkûkê di encama êrişeke terorî de şehîd bû ragihand ku Şehîd Firyal ne endama partiya wan bû.
Cûma Kerîm got; “Jina çalakvana siyasî û siyasetmedara Kurd Firyal Silêman Xalid ku îro di encama êrişeke terorî de li taxa Serçinar a Kerkûkê şehîd bû, tu peywendiya xwe bi partiya me ve tune bû.”
Her wiha diyar kir ku di medyaya Başûrê Kurdistanê de û bi taybet di malpera Kerkûk Naw de hatiye belavkirin ku jina siyasetmedara Kurd Şehîd Firyal Silêman Xalid endama Tevgera Azadî bû.
Di dawiyê de Berdevkê Tevgera Azadiya Civaka Kurdistanê Cûma Kerîm got; “Em weke Tevgera Azadî hemû êriş û kiryarên terorî yên li dijî her welatiyeke Kurd tê kirin bi tundî şermezar dikin”
