Sûriyeyê êrîşa Îsraîlê li ser baregeha Ebû El Zihûr şermezar kir

Wezareta Derve ya hikûmeta demkî ya Sûriyeyê bombebarankirina Îsraîl baregeha Ebû El Zihûr parêzgeha Idlibê şermezar kir. Wezaretê destnîşan kir ku ev bombebarankirin li ser ewlehiya Sûriyeyê û aramiya herêmê xeterî ye. Her wiha Nûnerê Taybet ê Amerîkayê yê ji bo Sûriye û Iraqê Thomas Barak metirsiya Whashington ji bombebarana Îsraîl a baregeha Ebû El Zihûr anî ziman û got: `Ev bombebaran ne lazim bû.`

Kenala El Ixbariyê ya Sûriyeyê li ser agahiyên çavkaniyeke leşkerî got roja sêşemê hêzên Îsraîlê 8 caran baregeha leşkerî ya bakur û rojavayê Sûriyeyê bombe baran kiriye. Çavkaniyên leşkerî û sivîl ên nêzî baregehê bûn gotin birîndar û kuştî nînin.

Reuters got baregeha Ebû El Zihûr nêzî 70 km ji sînorê Tirkiyeyê dûr e û ji sala 2013`an ve weke balafirgeheke leşkerî ji xizmetê derketiye. Di raporeke çavkaniyeke leşkerî hat gotin ku dawiya 2024`an piştî sîstema Baas hilweşiya ji bo perwerdekirina leşkerên artêşa Sûriyeyê hatiye bikaranîn.

Wezareta Karên Derve ya hikûmeta demkî ya Sûriyeyê di daxuyaniyekê de got êrîşên Sûriyeyê ji 8`ê kanûna 2024`an li ser Sûriyeyê didome û dibe di encama van êrîşan de ne aramî li herêmê çêbe.

Wezaretê Îsraîl berpirsyar nîşan da û bang li civaka navneteweyî kir ku êrîşa Îsraîl li ser baregeha Ebû El Zihûr şermezar bike.

(np)

ANHA