Şêwirên xwendina pirtûkên Rêber Abdullah Ocalan didomin
Endamên Kongra Star destnîşan kir ku ji bo pêşxistina civakê di aliyê fikrî de, divê pirtûkên Rêber Abdullah Ocalan werin xwendin.
Li Bakur û Rojhilatê Sûriyeyê lidarxistina çalakiyan di çarçoveya pêngava "Ji Abdullah Ocalan re azadî û ji pirsgirêka Kurd re çareserî" de didomînin.
Girêdayî mijarê, Kongra Star a Til Hemîsê şêwirên xwendina pirtûkên Rêber Abdullah Ocalan ji endamên xwe re li dar dixe, ji bo ku ew jî ji şêniyan re di nava komînan û meclisan de şîrove bikin.
Şêwirên xwendinê li avahiya Kongra Star a bajêr têne lidarxistin. Niha pirtûka "Sosyolojiya Azadiyê" tê xwendin. Dozên exlaqî, siyasî yên civakê, zîhniyet, aborî, pîşeyî, ekolojî, zayendperestî, malbat, jin û pirrengiya nifûsê navaroka vê pirtûkê ye.
Her wiha di pirtûkê de, pergala şaristaniya demokratîk, pênaseya wê, dîroka şaristaniya demokratîk û hêmanên wê jî têne nirxandin.
Endamên kongreyê diyar kir ku bi xwendina pirtûk û berhemên Rêber Abdullah Ocalan civak bi pêş dikeve.
(şx)
ANHA
