Şerê Îranê û krîza Filistînê rojeva medyaya Erebî bû

Gotar û analîzên ku îro di medyaya Erebî de hatine weşandin, du mijarên sereke nirxandin, ya yekem bandorên şerê Amerîka-Îranê û krîza berdewam a li Tengava Hurmuzê û ya duyem siberoja doza Filistînê û şerê berdewam ê Îsraîlê.

ŞERÊ AMERÎKA-ÎRANÊ Û TENGAVA HURMUZÊ

Rojnameya El Ehram gotarek bi sernavê "Dijwariyên Serkeftinek Ne gengaz li ser Îranê" weşand, tê de behsa dijwarîya ku Dewletên Yekbûyî yên Amrîkayê (DYA) di bidestxistina armancên biryardar de di şer de pê re rû bi rû dimîne kir û destnîşan kir ku Washington niha di diyarkirina armancên xwe û bicîhanîna wan de bi aloziyekê re rû bi rû ye.

Gotarê diyar kir ku serdestiya leşkerî ya DYA`ê ne dibe ku veneguhere serkeftinek siyasî ya zelal.

Rojnameya Okaz jî di gotarek bi sernavê "Şerê Tankeran: Guhertoya Herî Xeternak!" de li ser vê mijarê axivî. Geşedanên di pevçûna li Tengava Hurmuzê de nîşan didin ku pevçûna li ser tankerên petrolê bûye beşekî şer bi xwe û hedefgirtina barkirinên petrolê bandorên wê hene ku ji aliyên pevçûnê wêdetir ber bi aboriya herêmî û navneteweyî ve diçin.

Bi heman awayî, gotarek ku li ser malpera "Elaph" hatiye weşandin, bi sernavê "Ji Bombeyê Ber bi Cezayan: Çima Hêza Amerîkî Nekariye Bi Biryardarî Şerê bi Îranê re Bi Ser Bikeve?", behsa guheztina pevçûnê ji êrişên leşkerî ber bi zexta aborî ve kir û pirsên li ser hêza Washingtonê ya wergerandina serdestiya xwe ya leşkerî bo encamek siyasî ya biryardar derxist holê.

SIBEROJA DOZA FILISTÎNÊ Û MAFÊN SIYASÎ

Rojnameya El Erebî El Cedîd di gotareke bi sernavê "Filistînî Pêdivî bi Çi Nexşerêyê Hene?" de  behsa îhtîmala paşxistina hilbijartinên parlemanê yên Filistînê an jî guhertina wan bi rêkeftinên din ên siyasî kir, ji ber zextên Amerîkî û Îsraîlî û dabeşbûnên navxweyî yên Filistînê.

Gotar pirsan li ser rêya siyasî ya ku dikare saziyên Filistînê ji nû ve organîze bike û rewatiya berfirehtir bide wan, derdixe holê.

(k)

ANHA