ROJEVA NAVENDA NÛÇEYAN A 11-11-2023

Pêngava “Ji Abdullah Ocalan re azadî, ji  pirsgirêka Kurd re çareseriya siyasî” di nav mehekê de li 6 parzemînan de 31 welatî û 105 navendan belav bû, bi hezaran kesayetên navdar beşdar bûn. (BI WÊNE).

Li Bakur û Rojhilatê Sûriyeyê amadekariyên mewsima çandiniyê yê sala nû tên kirin. Di vê çarçoveyê de Desteya Çandinî û Avdanê plana dabeşkirina rûbera çandiniyê danî û tov û semadê li cotkaran belav dike. (BI WÊNE Û DÎMEN).

Jinek û zarokên xwe gundek ava kir ku navê  "Xirbê Kejê" lê hate kirin.  Ev gund ji şêniyan û neviyên Kejê re bûye mîraseyek. (BI WÊNE Û DÎMEN).

Desteya Pewerde û Fêrkirinê ya Herêma Firatê 5 dibistanên nû li herêmê ava dike. (BI WÊNE Û DÎMEN).

Desteya Jîngehê ya Herêma Firatê projeyek daye destpêkirin ku ji çopa organîk semada xwezayê çêdike. (BI WÊNE Û DÎMEN).

Şerê li Sûdanê ketiye meha xwe ya 7′an, lê heta niha tu nîşaneyên çareseriyê tune ne. Ji vê yekê zêdetir ragihand êdî girîngiyê dide şerê li Xeza ya Filistînê. Gelo rewşa Sûdanê ber bi ku derê ve diçe û xelkê Sûdanê li hêviya çi ye? (BI WÊNE).

Meclisa Jinan a PYD′ê panelekê li ser felsefeya ′′Jin, Jiyan, Azadî′′ li navenda partiyê ya li devera Hîzam a Bakur a bajarê Qamişloyê li dar dixe, saet di 09:00′an de. (BI WÊNE Û DÎMEN).

Çalakiya konvedanê ya di çarçroveya pêngava "Ji Rêber Apo re azadî, ji pirsgirêka Kurd re çareseriya siyasî" de ya nêzî Parka 4′ê Nîsanê ya li bajarê Hesekê dewam dike. (BI WÊNE Û DÎMEN).

Festîvala Çandî û Hunerî ya bi dirûşma "Bi rihê çanda neteweya demokratîk em ê Bakur û Rojhilatê Sûriyeyê biparêzin û azadiya fîzîkî ya Rêber Apo mîsoger bikin" di roja duyemîn de li navçeya Til Birakê ya kantona Hesekê dewam dike, saet di 10:00′an de. (BI WÊNE Û DÎMEN)

Xelkê navçeya Şedadê cenazeyê şehîdê QSD′ê Eyad Ebadî Hisên li Goristana Şehîdên navçeyê dispêrin axê, saet di 10:00′an de. (BI WÊNE Û DÎMEN).

ANHA