Rêveberiya Xweser nexweşxaneyek li Dêrazorê vekir

Yek ji biryarên Kongreya Xurtkirina Ewlehiyê ya Dêrazorê ku di Kanûna 2023’yan de hatibû lidarxistin, pêşxistina qada tenduristiyê bû.

Li ser vê yekê Rêveberiya Xweseriya Demokratîk a Herêma Bakur û Rojhilatê Sûriyeyê bi rêya Komîteya Tenduristsiyê ya Meclisa Dêrazorê nexweşxaneyek li bajarokê Şefa yê gundewarê rojhilatê Dêrazorê kir.

Di merasîmê vekirina nexweşxaneyê de bi dehan şêniyên herêmê, şêx û rûspiyên eşîran, endamên meclisên xwecih û saziyên sivîl beşdar bûn.

Di merasîmê vekirina nexweşxaneyê de Hevserokê Nivîsgeha Tenduristiyê ya Meclisa Sivîl a Herêma Rojhilat a Dêrazorê Mişel Sultan vekirina nexweşxaneyê li şêniyan pîroz kir.

Hevserokê Komîteya Tenduristsiyê ya Meclisa Sivîl a Dêrazorê Sair El Kirêdî jî spasiya kesên di vekirina nexweşxaneyê de cih girtin kir û soz da ku dê destekkirina nexweşxaneyê bidomînin.

Ji şêniyên bajarokê Şefa welatiyê bi navê Ebdullah El Salim jî spasiya kesên ku nexweşxane vekirine kir û hêvî kir ku rêxistinên mirovî elaqeyê bidin qada mirovî ya li herêmê.

Nivîsgeha Tenduristiyê ya Meclisa Herêma Rojhilat a Dêrazorê wekî gava destpêkê miqdareke derman, pêdiviyên destwerdana lezgîn û text pêşkêşî nexweşxaneyê kirin.

Nivîsgeha Tenduristiyê dê çend rojên bê beşên nexweşxaneyê aşkera bike.

Şêniyên bajarokê Şefe beriya 3 salan dest bi avakirina nexweşxaneyê kiribûn. Piştî avakirin bi dawî kirin radestî Rêveberiya Xweser kirin da ku pêdiviyên wê pêşkêş bike. Nexweşxane ji 3 qatan pêk tê. Rûbera her qatekê 700 mître kabe.

(bb)

ANHA