Rejîma Îranê Samîra Sabizan darve kir

Rêxistina Mafê Mirovan a Îranê ragihand ku jina bi navê Samîra Sabziad ku ev 10 sale li girtîgehê dihat girtin Îro ji aliyê rejîma Îranê ve hatiye darvekirin.

27 kanûn, 2023 16:04

NAVENDA NÛÇEYAN

Dîrektorê Rêxistina Mafê Mirovan ê Îranê Mahmood- Amiry Moghaddam derbarê darvekirina Samîra Sabizan de li ser hesabê xwe ê medyaya dijîtal daxuyaniyek parvekir û got: Samîra Sabzian ku di 20’ê Kanûnê de li girtîgeha Ghezel Hesar a li bajarê Karaj ê Tahranê hatiye darvekirin.

Daxuyanî wiha ye:

“Samîra bi salan bû qûrbana cihêkariya zayendî, zewicandina zarokan, destdirêjî û tundîtûjiya di nava malê de û îro jî bû qurbana hiqûqa infazê a ku rejîma Îranê ferz dike.” Mahmood- Amiry Moghaddam hiqûqa înfazê rexnekir û bang kir ku Serokê asta bilind a Îranê Alî Hamaney û rayederên din berpirsin.

Samîra Sabziad, ji aliyê mêrê ku di 15 salî de bi zorê pêre hatî zewicandin bi salan rastî tundiya sistematik hat û rastî destdirêjiya zewacê hat.

Samîra Sabziad dema ku di 19 salî de tundî didît û bi armanca parastina xwe hevjînê xwe kuşt. Welayeta dû zarokên Samîra Sabziad ku ev 10 sale di girtîgehê de bû dane malbata hevjînê wê.