PYD'ê di Cotmeha îsal de kongreya xwe ya 10ˊemîn li dar dixe

PYD'ê ji bo lidarxistina 10'emîn kongreya xwe ya giştî li ser asta Herêma Bakur û Rojhilatê Sûriyeyê, di nava amadekariyan de ye. Li gorî agahiyan kongre dê di Cotmeha îsal de bê lidarxistin.

ROJANE

26 hezîran, 2024 03:45

HESEKÊ

Partiya Yekitiya Demokratîk (PYD) ji nêzî mehekê ve li ser asta meclisên xwe yên bajar û kantonan, kongreyên xwe li dar dixe. Di kongreyên li şaxan tên lidarxistin de rewşa rêxistinî ya partiyê û xebatên wê tên nirxandin. Her wiha di kongreyan de nûnerên wan meclisên dê beşdarî kongreya giştî ya PYDˊê bin, tên hilbijartin.

Ev kongreyên li şaxan li dar dikevin ji bo amadekariya lidarxistina kongreya giştî ye ku dê di Cotmeha îsal de li dar bikeve.

Di 18'ê Hezîrana 2022'yan de PYD'ê kongreya xwe ya giştî li dar xistibû. Kongre bi dirûşma "Bi ruhê şerê gel ê şoreşgerî em ê dagirkeriyê têk bibin û Sûriyeyeke demokratîk ava bikin" hatibû lidarxistin û 3 rojan dom kiribû. Di dawiya kongreyê de encamnameyek jî hatibû diyarkirin û tê de hatibû gotin dive girîngî ji bo pêkanîn azadiya fîzîkî ya Rêber Abdullah Ocalan û pêkanîna yekitiya niştîmanî ya Kurdistanî were dayîn.

Her wiha kongre bi hilbijartina hevserokên nû Salih Muslim û Asya Ebdullah û hilbijartina endamên Desteya Hevserokatiyê û endamên Meclisa Giştî ya PYDˊê bi dawî bûbû.

Hemwextî wê amadekariya lidarxistina kongreyeke giştî, Meclisa Jinan a PYD'ê jî heman kongreyan li şaxan li dar dixe da ku plansaziyekê deyne û nûnerên meclisên jinan ên bajar û kantonan di kongreya giştî ya Meclisa Jinan de, hilbijêre.

(mh)

ANHA

hesekê

til birak

heleb