Parêzeran ji bo hevdîtina bi Rêber Abdullah Ocalan re serlêdan kirin

Ji parêzerên Buroya Hiqûqê ya Sedsalê Raziye Ozturk, Rezan Sarica, Faîk Ozgur Erol, û Mazlûm Dînç ji bo hevdîtina bi Rêber Abdullah Ocalan re, serî li Serdozgeriya Komarê ya Bûrsayê û Midûriyeta Girtîgeha Îmraliyê dan. Di heman demê de parêzeran ji bo hevdîtina bi girtiyên din ên li Îmraliyê tên ragirtin Omer Hayrî Konar, Hamîlî Yildirim û Veysî Aktaş jî serî li serdozgerî û midûriyeta girtîgehê dan. 

Mafê hevdîtinê yê Abdullah Ocalan û her sê girtiyên din ên bi malbat û parêzeran re bi hincetên “cezayên disiplînê” tên astengkirin. Di navbera salên 2021-2023’yan de her yek jê ji bo 3 mehan herî kêm 5 cezayên disiplînê li Abdullah Ocalan û girtiyên din hatin birîn .

Tevî hemû serlêdan û îtîrazan jî sedema cezayên disiplînê û hejmarên dosyayan bi parêzeran re nayên parvekirin. 

parêzerên Buroya Hiqûqê ya Sedsalê yên ji bo Dadgeriya Înfazê ya Bursayê da, dadgeriyê diyar kir ku di 18’ê tebaxa 2021’ê de ji bo 3 mehan, di 3’yê sibata 2022’yan de ji bo 3 mehan, di 31’ê gulana 2022’yan de ji bo sê mehan û di 9’ê îlona 2022’yan de jî ji bo 3 mehan cezayên disiplînê hatine birîn. 

Parêzeran di 10’ê Tîrmeha 2023’yan de serlêdan kiribû û dadgeriyê di 19’ê Tîrmeha 2023’yan de bersiv da. Dadgeriye da zanîn ku cezayekî disiplînê yê ji bo 3 mehan hatiye birîn. Parêzeran herî dawî jî di 10’ê cotmeha 2023’yan de ji bo hevdîtina bi malbatan re serlêdan kir.

Dadgeriyê di 13’ê cotmehê de bersiva serlêdanê da û diyar kir ku li Rêber Abdullah Ocalan û girtiyên din ji bo 3 mehan cezayê disiplînê hatiye birîn. 

Dadgeriyê, sedema parvenekirina hejmara dosyayê jî weke “dê li ser çapemeniyê were parvekirin” nîşan da.