Mîhrîcana Şehîd Stêrvan a gerok gera xwe li Cizîrê bi dawî kir

Çalakiyên Mîhrîcana 4′an a Şehîd Stêrvan a Jinên Ciwan a ji hêla Yekitiya Jinên Ciwan a bi diruşma ′Jin, Jiyan, Azadî, serbixwe azadî′ li Yariîgeha Şehîd Heysem Kiço ya Qamişloyê hatin lidarxistin. 

Di mîhrîcanê de bi sedan xelk û endamên saziyên sivîl ên Rêveberiya Xweseriya Demokratîk a Herêma Cizîrê, Desteya Jin a Herêma Cizîrê, nûnerên partiyên siyasî, bi sedan beşdarên ji lîstikvanên werzîşê, hunermend û xwendekar beşdar bûn.

Di mîhrîcanê de Seroka Desteya Jin a Herêma Cizîrê Evîn Başo axivî û got mîhrîcana xwedî di peyamên girîng in; ya yekemîn girêdana jinên ciwan, jin û civakê bi Rêber Abdullah Ocalan, bi metdoa berxwedan û mayîna li qadan û banga azadiya fîzîkî ya Rêber Abdullah Ocalan. Evîn anî ziman ku lidarxistina mîhrîcanê hemwextî Roja Têkoşîna dijî Tundiya ser Jinan a Cîhanê pêk hsy.

Endama rêvebera Yekitiya Jinên Ciwan a Herêma Cizîrê Betol Semîr jî got dê jinên ciwan heta pêkanîna armancên şehîdan têkoşîna xwe dewam bikin.

Dûre çalakiyên werzîşê mîna pêşbirka motorsiklêtan û maça fotbolê, lîstikên hişê û hwd hatin pêşkêşkirin.

Her wiha şano, çalakiyên hunerî mîna mûzîk, dîlana û xwendina helbestê hatin pêşkêşkirin.

Di dawiyê de komîteya birêxistinkirina mîhrîcanê de 30 jinên beşdar xelat kirin.

Mîhrîcana 4′an a Şehîd Stêrvan di 24′ê û 31′ê Cotmehê de li Tebqa û Kobanê, di 9′ê Mijdarê de li taxên Eşrefiyê û Şêxmeqsûdê yên Helebê hate lidarxistin û gerên xwe îro li Herêma Cizîrê bi dawî kirin.

(fr)

ANHA