Meclisa Partiya Sûriyeya Pêşerojê ya Dêrazorê konferansa 3′yan li dar xist

Di konferansê de rûspî, serokeşîr, siyasetmedar, leşker, nûnerên saziyên sivîl û endamên Partiya Sûriyeya Pêşerojêy a Dêrazorê beşdar bûn.

Serokê meclisa partiyê Tamir El Şemerî bixêrhatina beşdaran kir û lidarxistina 3'emîn konfernasê pîroz kir.

Piştre endamê meclisa partiyê Ebqurezaq El Rehîm nirxandinên siyasî xwendin.

El Rehîm wiha got: "Dewletên derve hewl didin ewlehî û aramiyê têk bibin û fîtneyê di navbera pêkhateyên Sûriyeyê de peyda bike. Em jî ji bo têkbirina fikrê tundraw û parastina destkeftiyên xwe ji gefên derdorê, li pişta hêzên xwe, Hêzên Sûriyeya Demokratîk (QSD) ne."

Piştre karê partiyê li Dêrazorê di aliyê rêxistinî de hat nirxandin û teqezî bi pêşxistina rexnekirinê û xwedîderketina li erkên partiyê û endamên wê hat dayîn.

Dûre beşdaran nêrînên xwe der barê rewşa rêxistinî ya çalakiyên partiyê de parve kirin ku piraniya wan li ser domandina pergala aştiyane û berfirehkirina bingeha gelêrî ya partiyê, pêşxistina karê rêxistinî û belavkirina partiyê û armancên wê bi rêya rêbazên heyî bûn.

Mecliseke nû ji 35 endaman ku tê de jin û ciwan cih girtin hat hilbijartin. Tamir El Şemerî wek serokê meclisê û Muna El Hemadî wek cîgira seroketiya meclisê hatin erkdarkirin.

Di dawiyê de daxuyanî ji aliyê Tamir El Şemerî ve hat xwendin.

(mh)

ANHA